Jenesis 49:33 - Bal cehec je haun

³³ Aria Jekob uqa je gatiti melahul maadimei uqa jaih mahanadec suli u cabalna men. Odimei uqa siw ehi bi helimei kis on.

Jenesis 49:33 Referans Kwoze

Jenesis 49:29

Odocob Jekob uqa melahul je gatiti edi maaden, “Ija asiel cal mein eu gami nuecnu saen eu dodoldona. Ija cal mecemin ija asiel gami meen hel Efron Hitdec uqana cabina nijina ono hel cisiteiga.

Jenesis 25:8

Uqa toia men. Uqana cabi gel mati bahic. Odocob uqa kis umei cal men. Uqa asagul cal mein eu agena cudunna nuen.

Hibru 12:23

Age Anut melahul matu agena cegulecna wele calein. Anut uqa ijanaga wele jaqen, jaqec je eu sao jobon ono bilina. Odocob gesiligec dana uqa bilia uqa dana cajaca cunug agena Anut eu age hu cemenug taweiga. Dana cajaca agena kis wele Anut uqa dana cajaca ititom ec maaden eu ageha ono bileiga.

Hibru 11:22

Josef uqa Anutnu waug meleen. Odocob saen uqa cal migia bili hibna Isrel age Isip hatu culimeig beloqagannu maden. Odimei uqa teful adi heel cisuqagannu maaden.

Aposel 7:15

Odocob Jekob Isip nuen. Ono uqaca uqa melahulca cal mein.

Me Je i Luk Jaqen 2:29

“O Ben, ija amigulna hinana cahahagec figa. Cahahagec eu dana cunug age amagana saciadom. Hinana jic coboc Juda dana qee eundec ihacadigiannu eu fulacdoc. Eu hinana dana cajaca, Isrel, age binanaga benca madigian. Hinana je matem eu aig cali hoia. Eunu ija, hinana cabi dana, cultecem wawi malolca cal migale,” en.

Jenesis 49:1

Odocob Jekob melahul cunug utaadeceb hocobil maaden, “Alilti tawecebil ceteh oso hibna caligian eunu maadigen.

Jenesis 35:29

Odocob Aisak uqa dana toia bahic uqa kis umei cal men. Uqana cabi gel eu mati bahic. Odocob uqa melahul Iso Jekobca ale deweg hel cisesin.

Jenesis 25:17

Aria Ismal uqana cabi gel cunug gabandoc mahana bilen eu 137. Odocob uqa kis umei cal men. Uqa asagul cal mein agena cudunna nuen.

Jenesis 15:5

Odimei Tibud uqa Ebram ehudeceb maha gumu cali lesin. Odimei madon, “Faga! Saona isec meciimeg malaqa sicanadaga. Hina sicanadecnu ihocfa hinana sihul ha malaqa nijia eu odiwe nijigian,” don.

Jenesis 49:32

Cabi meen hel euca Ebraham uqa Hit dana ebeneganadec faji on. Ono ija hel cisiteiga,” aden.

Jenesis 50:1

Odocob Josef uqa memeg tatacan tonimei qaqaji bili memeg cotadon.