Jenesis 49:27 - Bal cehec je haun

²⁷ Benjamin uqa qa cus hanca cinigwe. Qasil uqa uqana dool sabnu qon eu jena. Wesu uqa ceteteh hannadec cedena eu ila mena,” en.

Jenesis 49:27 Referans Kwoze

Jenesis 46:21

Aria Benjamin uqa melahulca eu ijanaga Bela, Beke, Asbel, Gera, Naman, Ehi, Ros, Mupim, Hupim, Adca.

Jenesis 35:18

Qa uqa cal migia dodoldodon kis u bilei melah eu ijan Benoni qon. Euqa memeg uqa Benjamin don.

Filipai 3:5

Deel 8-peladocna age ija deweni cagu qoin. Ija Isrel agena dana cajacanadec sihul. Ija Benjamin sihulnadec. Ija Hibru dana bahic, Hibru golanaganadec. Loo jenu ija Farisi dana loo je toodoc dana bahic.

Aposel 20:29

Ija culadecemin hibna dana age qa cus cinigwe age tamanec gemo humeig waadecebil wawaga dain ben adigian eu ija dugina.

Aposel 9:1

Oodogin Sol uqa haunhaun maden, “Ija Tibudna malogom eu aaqigen,” en. Odimei uqa ihanec dana iloca limei

Aposel 8:3

Euqa Sol uqa wawaga meleec tamanec fadaldocnu cabi on. Uqa jojo cijawdudu cocobi dana cajaca wawaga meleecca eundec diiadi ehi nui gihacdoc jona qeladeceb lein.

Matju 10:16

Jisas je haun maaden, “Feiga, ija age suladigina odi sipsip age qa cus gemo leginawe suladigina. Eunu age man sononec doc silecca odi cisdudu coboginawe coboigale. Euqa age cuhudid qauecca qee odi coboigale,” aden.

Matju 7:15

Jisas je haun maaden, “Age uhulec je hahun madec dana age sipsip ganac tacimeig eu age qee waadecnu odi ageca hogina. Euqa wawaga dunuhna age qa cus olohonogaca odi nijia, age me qee bahic odadoqagan. Eunu ageca hu qauadowainnu batut feigale.

Jenesis 49:26

Macin bobogca ihena. Aluh ihena. Aluhnadec ceteteh me bahic gaid bileceb catanigian eu ihena. Ceteteh i cunug Josef ilona biliale. Ceteteh i dana uqa waliagul qisacadi bilina eu uqa ilona biliale.

Jenesis 49:28

I age eu Isrel agena jobon medeh 12. Odocob i eu eeldoc je age memega odi maaden. Uqa eeldoc je cunug agenu osahicosahic aden eu agenu ihoc filfil siwiaden.