Jenesis 45:26 - Bal cehec je haun

²⁶ Odocob age Kenan bimeig memega edi madoin, “Josef qee cal mel. Uqa cebac bilia. Mele bahic uqa Isip hatu cunug eu cofdocnu uqa ilo bilia,” doin. Odocob Jekob uqa filiciten qa uqa je eunu waug qee meleel.

Jenesis 45:26 Referans Kwoze

Jenesis 44:28

Odocob oso uqa ija culitimei nuen. Odocob ija madem, ‘Mele bahic, uqa tuqi calcaldoiga,’ em. Euqa ija haun qee felem.

Jenesis 37:35

Uqa qaqajen melahul ategulca age wahohogdoqagannu caji uqaca lein. Qa age wahohogdocnu eu culen. Odocob uqa maaden, “Mele bahic ijana qada qajecna himec ija melamica helna nugen,” aden. Eunu memeg uqanu qaqaji bilen.

Me Je i Luk Jaqen 24:34

Cali ono lecebil odi maalein, “Tibud eu mele bahic haun ceseli cajeia! Uqa Saimon amegna camasac meia!” alein.

Me Je i Luk Jaqen 24:11

Euqa malogom caja age gad je madegina ec cisdoin. Odimeig agena jenu wawaga qee meleel. [Euqa Pita cajimei guguli Jisas deweg ganac mudein heelna nuen. Uqa jogoimei ceteh oso qee fel qa Jisas deweg ganac jelein lotoc eu himec fen. Odimei uqa adi odon ec waug cacaden ceselen.]

Jenesis 42:38

Qa Jekob uqa madon, “Ija melami uqa hinaca Isip ono qee noiaun. Uqa waliag, Josef, eu wele cal men. Odonnu uqa jaih cuhanuc himec bilina. Saen uqa jicna cocobob cal mec oso uqaca hocobfi euqa colini beceb ija toia migen. Eunu ija wawi cagoc bibili helna nugen,” don.

Jenesis 42:36

Odocob age memega Jekob uqa maden, “Age ijana mel Josef cawaltein. Uqa qee bilel. Odocob Simion uqaha qee bilel. Odeiaqa qila age Benjamin cawaltoqagannu mateginafo? Age culumen i ija itegina,” aden.

Jenesis 37:31

Eunu Josefna lotoc umeig meme oso qocobil cal meceb uqana golac euna age Josefna lotoc eu cumdoiga.

Jenesis 45:25

Odocob age Isipdec Kenan hatuna memega Jekobca bein.

Jenesis 42:29

Aria age Kenan hatuna calimeig age memega, Jekobca, hoin. Ceteh cunug ageca calen eu sadudu madoin.

Jenesis 48:11

Odocob Jekob uqa Josef madon, “Ija hina olain haun qee figaun em qa qila Anut odocna ija hina melemenelha meciadigina,” don.