Jenesis 33:11 - Bal cehec je haun

¹¹ Anut uqa ija me eelten. Odocob ija ceteteh ihoc. Eunu ceteteh hina loo ihigina eu cedega,” don. Odimei Jekob uqa cesusdudu li uqa ceteteh loo uten eu cediton.

Jenesis 33:11 Referans Kwoze

Filipai 4:18

Ceteteh cunug ihocca geh bahic eu ija agenadec wele cedem. Ija wele am bem. Age bagol itec Epafrodaitas ebenna ija suldutein eu ija wele om. Bagol itec eu, eu ihanec dedeman me wasenawe age Anut utegina. Anut uqa ihanec i cois imei ona. Anut uqa ihanec i cinigwe ona eunu uqa waug ceelena.

Jenesis 33:9

Qa Iso madon, “O wali ija ceteteh geh bahicca. Ceteteh hinana eu cois hinanacin biligian,” don.

Jenesis 30:43

Odocob jic eu odina Jekob cehewan benca calen. Odimei uqa dool am mati bahic, cabi dana mati bahic, cabi caja mati bahic, kamel mati bahic, cesel mati bahicca men.

1 Timoti 4:8

Hina dogona, dewenige cabinu iwalgoqona, odocob dewenige gagadic mena, eu nagnag cesulgigiannu ihoc. Euqa Anutna kobol toodocnu iwaldoqonafi eu ege geh bahic cesulgigiannu ihoc. Eetanu? Eu ege cebac bilec qila ina biluquna cesulgecnu ihoc, odocob hibna cebac bilecnu hugian euna ha cesulgecnu ihoc.

2 Korin 6:10

Ege waloc gen. Euqa ege gaid ceeloqona. Ege sawen bilom qa ege dana mati cehewanagaca madom. Ege cetehca qee bilom qa ege mele bahic ceteh cunugnu ihoc biluquna.

1 Korin 3:21

Ceteh cunug eu Korin agena. Eu Polfo, Apolosfo, Pitafo, maha ifo, cebac bilecfo, cal mecfo, ceteh qila biliafo, ceteh hibna cali hugianfo ceteh cunug eu agena. Odocob age Krais uqana, odocob Krais uqa Anut uqana. Eunu oso uqa dana oso ijan cain suliaun.

Me Je i Luk Jaqen 14:23

Eunu meca uqana cabi dana madon, ‘Ija maadigina, dana cunug ija hoqagannu maadem age ijana sab nag qee qududu fowain! Eunu ijana jo ihoc ligiannu jic benna, jic sosogna, bahuna nuimeg dana cajaca hoqagannu cesusadoga,’ don,” don.

Jenesis 33:10

Odocob Jekob madon, “Qee, qila hina ijanu wawin me nijecebfi ceteteh loo ihiga i ebeninadec cedega. Qila hina wawin ceelecna guluctaga. Eunu hina olain figina eu Anut ola fecwe migina.

Jenesis 33:12

Odocob Iso madon, “Cois ege belecnu. Ija aquni nunuemin age hib tooteiga,” don.

Jenesis 32:21

Eunu Jekob dool waliagna lonu suldon eu casac cedi hewi belein. Qa uqa witic euna cudun euna himec us nijen.