Jenesis 31:36 - Bal cehec je haun

³⁶ Odocob Jekob uqa gemag beceb Leban je gagadic madudu madon, “Ija adi cahuldu odihem eu madaga duga? Ija cel silail odemnu i edi jabitigina?

Jenesis 31:36 Referans Kwoze

Efesas 4:26

“Age gemanaga bebeb cain silail mowain,” en. (Buk Song 4.4) Age gemanaga bebeb cam qee caji lec ninijeb gemanaga bodoeiale.

Me Je i Mak Jaqen 3:5

Odimei Jisas uqa talilaadi meciadimei gemag ben. Age wawaga tool ibuldon eunu waug me qee men. Odimei dana eu madon, “Hina eben heli huleldoga,” don. Odocob uqa eben heli huleldocob me men.

Jenesis 49:7

Alena gemanala eu gagadic bahic eunu ija geldugina. Ale olohonola eu me qee bahic eunu ija geldugina. Ija odocomin age Isrel mahana qatani bilisadoqagan. Ija odocomin age filigandumeig Isrel dana gami gabandoqagan.

Jenesis 34:7

Ale je mamadesin Jekob melahul age cabinadec ceseli hoin. Odocob age Sekem uqa Jekob ateg heweceb nijesin eu Isrel amagana majanaga hewec kobol odon eu dumeig age filicitimeig gemanaga ben. Kobol eu Isrelna sihul gemo odocnu qee nijel eu odon.

Jenesis 30:2

Odocob Jekob uqa Reselnu gemag ben. Eunu uqa madon, “Ija Anutfo? Hina mel basecnu jic menihem,” don.

Jenesis 31:35

Odocob Resel uqa memeg madon, “Ijana ben, cain gemain beiaun. Ija jagel qitina. Eunu ija hina cemein caji lec ihoc qee,” don. Eunu Leban uqa cijawi cuhadon qa uqa uqana gadan tibud eu qee gulucadel.

Jenesis 31:37

Hina qila ijana ceteteh cunug wele cijawi faga. Cel oso eu hinanacin gulucdoga? Aria ceteh eu hina cotinelca ijana talca ege amigena fecnu i hen ec magaga. Odocom age ija cahuldomfo qee hina cahuldom fo gesiluqagan.