Jenesis 29:30 - Bal cehec je haun

³⁰ Eunu Jekob uqa Reselca nijesin. Odonqa uqa Reselnu nalug men eu wooldoc Lianu nalug men. Odocob Jekob uqa Lebanna cabi haun cabi gel eben naha gic lecisca cabi on.

Jenesis 29:30 Referans Kwoze

Jenesis 31:41

Cabi gel 20 euna ija eu odi oodi hinaca bilolou. Hina atenel lecis eunu ija cabi gel 14 cabi om. Odocob hinana dool am cofadecnu ija cabi gel eben naha gic osahicca cabi om. Odocob hina ijana cabi amegha ibulabaldu 10 dom.

Matju 10:37

“Oso uqa memeg anagcanu ija wooltiti nalunula menafi eu ijana bilecnu ihocca qee. Oso uqa melahnuca ategnuca ija wooltiti nalug menafi eu ijana bilecnu ihocca qee.

Jenesis 44:27

Odocob ege memige uqa magen, ‘Ija aideni, Resel, uqa melamiel lecis basaliten age dogina.

Jenesis 29:20

Eunu Jekob uqa Lebanna cabi cabi gel eben naha gic lecisca cabi on. Odonqa uqa saen eu cecelac cinigwe qee. Eu deel matica qee cinigwe fen. Uqa Reselnu nalug men eunu.

Jenesis 29:18

Odonqa Jekob uqa Reselnu nalug men. Eunu uqa madon, “Ija hinana cabi gel eben naha gic lecisca cabi ugen. Euqa hina aten milum Reselnu cabi ugenfi,” don.

Me Je i Jon Jaqen 12:25

Oso uqadodocnu cebac bilec nalug mena eu uqa uqana cebac bilec eu culina. Oso maha ina uqana cebac bilec sagagdona eu uqa uqana cebac bilec eu cebac bilec catanec eu ugiannu gaidgaid hewena.

Jenesis 44:20

Odocob ege jejein hewi mahom, ‘Ege memigeca, uqa toia. Odocob ege walinige subigca uqa ege memige toia bibilen anige basiton. Subig eu uqa waliag wele cal men. Eunu uqa anag mel osahic, uqa jaih cuhanuc. Ege memige uqa uqanu cal mena,’ hom.

Jenesis 31:15

Uqa ele cele caja cinigwe mecilena. Uqa ele fajilecna ameg on. Qa eu cunug ji hedon.

Jenesis 29:31

Aria saen euna Tibud uqa Jekob Lianu qee nalug mel eu fen. Eunu uqa Liana mel jool huden. Euqa Reselna mel jool menen. Odocob uqa goud men.

Me Je i Luk Jaqen 14:26

“Age oso uqa jo ben cecelac odocob ohis bahic cehigiannu cisdonafi uqa casac bilimei ceteteh qaigna fajadigiannu qaig hahun odi bahic ec temdu fena. Eu odi eu uqa jo eu qee mudigiannu meen qaig ihocfo? eu cisdu figian. Gadgad uqa eu odica qeefi uqa jo ben ohis bahic eu sanan mimei hibna qee mudec ihoc qee. Odocob leih age eu fimeig uqa lelandowaindain. ‘Dana i jo cehec sanan men qa qee mudecwe qee!’ odi madoqagan. Qeefi, king oso uqana han dana 10,000ca king osoca cadowasa lifei ge king eu uqa han dana 20,000ca uqaca hoqagan eu uqa casac bilimei uqa cadigiannu gagadic odoc ihocfo? ec cisdugian. Uqa ihoc qeefi uqana dana sos suladeceb belimeig king oso eu ceguldumeig saen uqa jic onoca bibileb malol bilecnu cahacdoc je madoqagan. Eunu oso uqa ija tootecnu ijaca honafiqa uqa anag memegca, uqa aideg, melahul, waliagul, cebinagulca, odocob uqadodoc cebac bilec euca qee sagagadena eu uqa ijana malogom bilecwe qee. Odocob oso uqanagul na babalec gahidu ija tooti cobocnu culinafi eu uqa ijana malogom bilecwe qee,” aden.

Matju 6:24

Jisas je haun maaden, “Cabi dana oso uqa dana ben lecis alena cabi ocwe qee. Ge, uqa oso sagagduduqa osonu nalug migian. Qeefi, uqa osonu waug nijigian qa oso cewudigian. Odiwe ha age Anutca maha cehewanagaca agena tibud mumudi osoben cabi u calecnu qee nijel,” aden.

Jenesis 29:17

Lia uqa ola fecnu me bahic qa Resel uqa olaca deweg cunug fecnu eu jaca.

Jenesis 29:29

Euha Leban uqa uqana cabi caja Bilha ehudi ehi li Reselca mudon.