Jenesis 28:15 - Bal cehec je haun

¹⁵ Aria faga. Ana nuegan eu ija hinaca belewan. Bebeleu ija cofhigen. Euha ija maha ina ceseli ahu mihigen. Ija hina qee culihigaun. Ija hinaca bibilig li je cunug mahiga eu odigen,” don.

Jenesis 28:15 Referans Kwoze

Jenesis 26:24

Odocob witic euna Tibud uqaca camasac men. Odimei uqa madon, “Ija hina memen Ebraham uqana Anut. Cain cucuiagaun. Ija hinaca biligina. Ija eelhimig odocomin hinana sihul fulusdugian. Euqa ijana cabi dana Ebrahamnu cisdumig odigen,” don.

Jenesis 31:3

Odocob Tibud uqa Jekob madon, “Ceseli maha hina memen bilinana nuuga. Hinana sihulca nueiga. Euqa ija hinaca bilewan,” don.

Jenesis 26:3

Maha ina nag odi biliga. Odocom ija hinaca biligen. Odimig ija eelhigen. Hinaca hinana sihulca ija maha i cunug adigen. Bal cehec je ija wele Ebrahamca madi cagoh eu ija hinaca ha madi cagowan.

Matju 24:35

Saoca mahaca qee migian euqa ijana je qee qee meiaun,” aden.

Matju 28:20

Age je ija maadolig eu cunug age adem cunug iwaladecebil toodu odoqagannu maadeiga. Dogina, ija dudu age gami deel cunugna biluquna qila ina leceb mahamaha bilec saen deel euna qee migian,” aden.

1 Timoti 4:8

Hina dogona, dewenige cabinu iwalgoqona, odocob dewenige gagadic mena, eu nagnag cesulgigiannu ihoc. Euqa Anutna kobol toodocnu iwaldoqonafi eu ege geh bahic cesulgigiannu ihoc. Eetanu? Eu ege cebac bilec qila ina biluquna cesulgecnu ihoc, odocob hibna cebac bilecnu hugian euna ha cesulgecnu ihoc.

Jenesis 48:21

Odocob Jekob uqa Josef madon, “Ija cal mige dodoldudugin hina fecitem. Qa Anut uqa hinaca biligian. Odimei ehihi nui hina asinel agena mahana mihigian.

Jud Uqa Jaqec Je Oso Anutna Dana Cajaca Jaqiaden 1:1

Ija Jud, ija Jisas Kraisna cabi dana. Ijaha Jems waliag. Ija dana cajaca age Anut uqa uqana dana cajaca biluqagannu utaaden eu jaqiadigina. Anut ege Memige uqa agenu nalunuga mena, odimei uqa Jisas Kraisnu age cofadena.

Jenesis 39:21

Qa Josef gihacdoc jona bibilen Tibud uqa Josefca bilimei uqa eeldon. Odocob dana gihacdoc jo cofdoc eu Josefnu waug me nijen.

Jenesis 39:2

Odocob Tibud Josefca bilen. Eunu uqa uqana cabi eu cunug me bahic calen. Uqa uqana ben Isipdec eu uqana jona bilen.

Jenesis 48:16

Ensel ija aisais me qeenadec besiti oiten eu uqa mel i ale eelaleiale. Odocob ija ijanica ija memiel ijanagaca eu aleca bileiale. Odocob alena sihul mati bahic fulusdosiale,” en.

Jenesis 32:9

Odocob Jekob uqa odi inondu madon, “O ija asi Ebrahamca ija mei Aisakca alena Anut, O Tibud, hina dah mitiga. Hina matem, ‘Hina ceseli hinana hatunaca hina cotinelca nuuga. Odocom ija odocna hina cehewainca calegan,’ tem.

Jenesis 46:4

Ija hinaca Isip nowan. Odocob mele bahic ija hina haun ceseli ehihi bigen. Odocob hina Josef ebenna cal megan,” don.

Jenesis 21:20

Aria Anut uqa ameg mel eu cofdodon ben men. Ben memen uqa Paran agena wadauna bilen. Odocob uqa qali dana calen.

Jenesis 31:5

Odocob ale limesi gulucdocobil uqa maalen, “Ale memela uqa weleca ija me oditoloi qa qila eu odi qee oditina eu ija figina. Euqa ija mei uqana Anut eu ijaca bilina.

Jenesis 31:13

Ija Anut hina Betel ono fecitem eu. Betel cudunna hina meen cehimeg mool basecdu qom. Cudun euna hina je cagu matem. Aria cajaga. Maha i culuga. Maha hina anin basihen euna ceseli nuuga,’ ten,” alen.

Jenesis 35:3

Odocob hoiga. Ege Betel ono tecnu. Ono ija Anut ihanec cabal oso gualimig ihandugen. Ija anaana cocobilig saen ija culumenca bibilig Anut je madocomin uqa dah mitoloi,” aden.

Jenesis 30:25

Aria Resel uqa Josef baseceb Jekob uqa Leban madon, “Sultecem nuiga. Ija ijana jobon nuigen. Ijana hatuna nuigen.