Hibru 5:13 - Bal cehec je haun

¹³ Ege doqona, dana su himec jegina eu age mel sim cinigwe. Odocob age kobol ititomnu batut qee dogina.

Hibru 5:13 Referans Kwoze

1 Pita 2:2

Ege doqona, mel momodo age su sugudocnu gale adena. Eu odiwe ageha mel momodowe age su cataniec Anutnadec sugudocnu gale adeiale. Su eu Anutna je, eu age dolonoga cesuldocob ben mimei cebac bilec haun Anut aden euna duuec tawigian. Odimei age Anutca me bilecebil cahahaadigian.

1 Korin 14:20

Ija cotiel, age mel sim cinigwe agena cisdocna cain biluwain. Age qisol mec kobol euna age mel sim cinigwe bileigale. Euqa age agena cisdocna age dana ben cinigwe bileigale.

2 Timoti 3:16

Me je jaqec cunug Anutna Kis uqadodoc dana iwaladeceb jaqein. Odimei dana uqa Anut cewel utona eu cabinu iwaldoc biligiannu, uqa cabi me cunug odocnu saciadoc biligiannu me je jaqec cunug eu iwaladecnuca, tutuc madecnuca, ulauladecnuca, ititom cobocnu dado madecnuca ihoc nijia.

Efesas 4:14

Eunu ege mel sim cinigwe haun qee biluqaun, odocob je i faninadec dana age iwaladegina eu ege macas qahimei wagna cinigwe cain cecelgi lili huhu eiaun. Faninadec dana agena iwaladec je eu uhulec, eu dana agena cisdoc himec. Eu fufu cinigwe ege fulugeceb filfil ilag cain coboqaun.

1 Korin 3:1

Ija cotiel, wele age mel simwe Kraisca gabandoc biloloig. Eunu saen euna ija dana Kisca eundec Anutna je maadolig eu ija age Korin maadecwe qee. Euqa ija dana age dewenega hilahna kobol toodogina eundec maadigina eu odiwe ija wele maadolig.

2 Korin 3:9

Ge, loo je Anut dana aden eu dana age silailca fadaloqagan ec ihacaden eunu cabi eu fulacdocca. Eunu Anut uqa dana cajaca eu age ititomca ec maden eunu cabi eu fulacdoc ben bahic.

1 Korin 13:11

Ija mel sim bilec saen euna ija mel sim je madeginawe je madem. Saen euna ija mel sim cisdoginawe cisdom. Saen euna ija mel sim gesili feginawe gesili fem. Odocob ija dana ibuldumig ija mel bibili odoc eu culem.

Me Je i Mak Jaqen 10:15

Ija mele maadigina, oso uqa mel sim Anutna cul ona eu odiwe qee ona eu Anutna culna qee leiaun,” aden.

Matju 11:25

Saen euna Jisas je odi maden, “Mei, saoca mahaca alena Tibud, hina ceteh eu dana cisdoc silecca docca eundecnu jahunem. Dana cajaca age mel sim bileginawe bilegina eundec amagana je eu camas mem. Eunu ija hina hetaga higina.

2 Jon 1:11

Ge, oso uqa dana eundec feele dona eu uqa dana eundec age gami qisol mec cabi osina.