Hibru 2:9 - Bal cehec je haun

⁹ Euqa ege Jisas foqona! Anutna eelgec uum igecna uqa dana cajaca mahanadec cunugnu cal migiannu Anut odudeceb saen nag odi himec uqa ensel bisalu bilen. Eunu Jisas uqa cal mec waug sogoecca egenu gahidonnu Anut king bilecca binanca muden. Eunu ege qila uqa king bilecca binanca ohis bilina eu foqona.

Hibru 2:9 Referans Kwoze

Jahunec Je Camasac Muden 5:9

Odimeig age due haun oso odi silein: “Age qihecebil cal mem. Hina hinana ihanec cal mecna Anutnu dana caja sihul filfilnadecca, je madec filfilnadecca, dewenega filfilnadecca, hatu filfilnadecca fajadem. Hina odadecem age nawel tawec ihanec dana ibuldoin, age cofaadi bibilebil egena Anut cewel utoin. Age mahamaha cunug agena king biluqagan Eunu hina jaqec je col qoc eu umeg uqana sisi mec libec wagaladecnu ihoc,” ein.

1 Jon 2:2

Krais uqadodoc Anut ihandumei uqa euna Anutna gemag bec gondocob egena silail cagasigen. Odocob eu egena silail himec qee cagasigel qa dana cajaca cunug mahana bilegina eu agena silailha cagasiaden.

Pol Uqa Jaqec Je Oso Rom Tamanec Jaqiaden 5:18

Eunu dana osol uqana silail mec eunu Anut uqa dana cajaca cunug gesiladi maaden, “Age cunug silailca,” aden. Eu odiwe dana osol uqana ititom odoc eunu Anut uqa dana cajaca cunug maaden, “Age dana cajaca ititom,” adeceb age cebac bilegina.

Aposel 2:33

Uqa Jisas suli u sao ohis ehi ti eben meulana isec muden. Odimei Memige Anut uqa wele maden odi Kis Gun uten. Odocob Jisas Kis Gun basecdocob nen eu ceteh qila i fegina, dah megina.

2 Korin 5:15

Odocob dana cebac bilegina age agedodoc cebac qee biluwainnu Krais uqa hehuladi cal men. Euqa age Kraisnu cebac biluqagannu uqa cal meceb Anut uqa tulidocob ceseli cajen.

Hibru 10:5

Eunu saen Krais uqa mahana nimei uqa Anut odi madon: “Age dool qumeig ihanhecnu hina culuguna. Euqa hina deweg ganac oso itegannu saciadom bilia.

Pol Uqa Jaqec Je Oso Rom Tamanec Jaqiaden 5:8

Euqa ege silail dana bibiluqun Krais cesulgigiannu cal men. Odoc euna Anut ege nalunige mena eu ihacgena.

Me Je i Jon Jaqen 1:29

Deel osona Jon uqa Jisas uqaca hohon fimei maaden, “Feiga, Anutna Sipsip Nag ihen. Uqa dana cajaca cunug mahana bilegina agena silail cagasiadecnu hon.

Me Je i Jon Jaqen 12:32

Saen ija mahanadec sulitecebil ohis titi bilig dana cajaca cunug age diiadecemin ijaca hoqagan,” aden. (

Hibru 7:25

Odocob uqa qilaca, odocob gaid saen cunugna ha dana cajaca age Anutca uqa ijanna legina eu uqa agenu Anut inondudu gaid bileceb catanena. Eunu uqa dana cajaca eu cahahaadecnu ihoc bilina.

Jenesis 3:15

Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.

1 Pita 1:21

Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.

Hibru 8:3

Anut uqa nawel tawec ihanec dana ilo cunug age Anut loo uuteig ihanec gug filfil mecnu nesili ehadena. Eunu egena nawel tawec ihanec dana ilo uqaha ihanecnu ceteh osoca bilia.

1 Timoti 2:6

Uqadodoc deweg ihandon, eu odocna dana cajaca cunug besiadigiannu ceseli fajen. Jisas Krais uqadodoc deweg ihandon saen euna dih Anut uqa dana cajaca cunug cahahaadigiannu odona eu camasac men.

2 Korin 5:21

Ge, Anut uqa Krais, uqa silail osol qee mel, eu ege hehulgi egena cudunna silailcawe tawigiannu muden. Eunu ege Kraisca gabandoc bilecna Anutna dana ititom ibuldocnu odon.

Pol Uqa Jaqec Je Oso Rom Tamanec Jaqiaden 8:32

Uqa uqagul Melah qee sosogon ol euqa ege cunug cesulgigiannu suldocob nen. Uqa Melah wele igen eunu uqa ceteh cunugha qee igiaunfo?

Galesia 4:4

Euqa Anut uqa, saen euna odigen en, saen eu hedocob uqa Melah suldocob nen. Eu caja uqa basen, odocob uqa loo je toodu odigiannu mudeceb bilen.

Aposel 3:13

Ebraham Aisak Jekobca agena Anut, ege jajanigeil agena Anut, uqa uqana cabi dana, Jisas, ijan meca gagadic odocca uten. Jisas i age Pailat ebenna mudimeig, uqa Pailat culdeceb nuigiannu wele cisdon, age Pailat amegna uqanu je me qee madein.

Me Je i Jon Jaqen 10:17

Ija ijana cebac bilec culimig haun ceseli ugen. Eunu gug inu Memige Anut ijanu nalug mena.

Me Je i Jon Jaqen 8:52

Odocob Juda madoin, “Ege qila buga me qee hinaca bilina ec mele doqona! Ebraham wele cal men, je hahun madec dana ageha wele cal mein. Hinaqa madagana, ‘Oso ijana je waugna tacena eu cal mec qee feiaun,’ agana.

Matju 16:28

Ija mele maadigina, leih age ene tawegina eu age qee cal mec ninijeb Dana Melah uqa uqana king culna hohob mecidoqagan,” aden.

Jahunec Je Camasac Muden 19:12

Uqa ameg eu ja belicanwe, uqa ilona king katakat mati gulodona. Uqa dewegna ijan oso jaqec taweia oso uqa ijan eu qee dona, uqa dih dona.

Hibru 2:7

Hina ege saen nag odi himec ensel bisalu migem. Hina ege binanigeca king bilecca migem.

Me Je i Luk Jaqen 9:27

Ijaqa mele maadigina, leih age ene tawegina eu age qee cal mec ninijeb Anutna cul cali hohob mecidoqagan,” aden.

Me Je i Mak Jaqen 9:1

Odocob Jisas maaden, “Ija mele maadigina, leih age ene tawegina eu age qee cal mec ninijeb Anutna cul gagadic odocca hohob mecidoqagan,” aden.

Matju 6:28

“Age eetanu lotoc tacecnu jaen ben aqena? Age ceteh sal qoc wasena eu feiga. Age cabi qee ogina, agena lotocha qee mudegina.

Me Je i Jon Jaqen 8:51

Ija je mele maadigina, oso ijana je waugna tacena eu cal mec bahic qee feiaun,” aden.

Hibru 1:9

Hina ititom kobol gawem. Hina loo je tefacdoc kobol sagagdom. Eunu Anut, hinana Anut ehihimei ceelec dana binainca bahic odi mihen, eu hinana danah eundec wooladem,” en. (Buk Song 46.6-7)

Hibru 11:5

Inok uqa Anutnu waug meleennu Anut uqa ehudi sao ohis ehi ten. Uqa qee cal mel. Dana age uqa walec cabi oin qa age uqa qee felein. Anut uqa wele ehuden. Anut uqa Inok qee ehudecna age Inok uqa Anutna gale doc toodon ein.

Hibru 12:2

Ege amige eu meciocomun Jisasca nuigian. Uqa egena wawige meleec gug odocob hibna uqa egena wawige meleec odocob ihoc ligian. Wele Jisas uqa ceelec hibna ugiannu waug ninijen gagadic bilen. Odimei culumen gahidumei na babalecna cal men. Uqa na babalecna ono majag hewudein eu ceteh gauc bahic ec cisdon. Qila uqa Anutna bilec cabal meulana isec bilina.