Hibru 11:33 - Bal cehec je haun

³³ Dana eu age wawaga meleecca eunu age han wooldodoig king mati agena han dana fadaladein. Eu age kobol ititom himec odoin. Eu age ceteh Anut adigia maden eu oin. Laion biamaga afa quadein.

Hibru 11:33 Referans Kwoze

Galesia 3:16

Aria, Anut uqa uqana muguh mecnu je hahun Ebraham uqana sihul hibna caligianca maaden. Anutna jaqec je eu “Sihunugail,” ec qee madel, uqana gug eu dana cajaca mati bahic. Euqa Anutna jaqec je eu “Sihul,” ec maden, (Jenesis 12.7; 13.15; 24.7) uqana gug eu dana osol, eu Krais.

1 Pita 5:8

Agena cad, Seten, uqa laion osowe gehca euii taliladi cobona. Uqa dana leih aqi jigiannu waladena. Eunu age dumanaga cofdu cuhadoigale. Age mecii cuhadoigale.

Hibru 11:17

Wele Anut uqa Ebraham temdon. Odocob Ebraham uqa Anutnu waug meleeceb Aisak ihanec cinigwe Anut uten. Uqa Anutna mele je ocob Anut uqa Ebraham Aisaknu madon: “Hina sihulel toohi caloqagan age Aisak sihulna himec caloqagan,” don. (Jenesis 21.12) Euqa Ebraham uqa melah osol eu qagadumei Anut ihandugia odon.

2 Timoti 4:17

Euqa Juda dana qee eundec cunug me je dah moqagannu Tibud uqa homi cehi tawimei uqa cesultimei uqana gagadic odoc iteceb ija me je maadecemin camasac men. Eunu Anut uqa ija laion biahnadec cacawiten.

Matju 5:12

Odi bahic ha dana age je hahun madec dana wele biloloig eu aaqati tootooadoloig. Age sao jobonna ameg me bahic oqagan. Eunu age wawaga me meceb ceeli bileigale,” aden.

Jems 2:18

Euqa dana oso uqa madigian, “Oso uqa waug meleecca, oso me odocca,” igian. Eunu ija odi madigina, “Hina wawin meleecca qa me odocca qee adi biligina eu ihactaga figa. Odocob ija ijana wawi meleec ijana me odocna ihachigen,” igina.