Hibru 1:8 - Bal cehec je haun

⁸ Euqa Anut uqa Melahnu maden: “O Anut, hinana king bilec cabal eu bileceb catanigian! Hina hinana king culna ititom biligina.

Hibru 1:8 Referans Kwoze

Me Je i Jon Jaqen 10:30

Memige Anut ijaca ele osol,” aden.

Pol Uqa Jaqec Je Oso Rom Tamanec Jaqiaden 9:5

Isrel dana weledec ijanagaca matu eu age jajanagail himec. Odocob agena sihulnadec himec Krais uqa dana ibuldon. [Krais uqa cunug agena ilo, uqa Anut.] Ege binan sulocomun cataneiale! Mele!

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

Matju 1:23

“Feiga, mel aid taula oso waugca mimei mel basigian. Odocob age mel eu ijan Emanjuel qoqagan,” en. (Aisaia 7.14) Je eu Anutna jaqec je tawena. (Ijan Emanjuel eu uqana gug eu, “Anut egeca biluquna.”)

1 Korin 15:25

Ge, Krais uqa cofadec dana bibileb lili Anut uqa uqana cad cunug cilehaadi jaih bisalu madigian.

Me Je i Jon Jaqen 20:28

Odocob Tomas uqa jejeg hewi madon, “O ijana Tibud! Ijana Anut!” don.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Me Je i Jon Jaqen 10:33

Odocob Juda age uqa jejeg hewi madoin, “Hina me odom eunu qee meenna qihuqaun qa hina Anut lelandogona! Hina dana oso himec qa hinadodoc hina Anut agana eunu meenna qiheqan!” doin.

2 Pita 1:11

Eunu age odi odocobilfi Jisas Krais, egena Tibud, egena Cahahagec uqa geh bahic cesuladeceb age uqana cul dunuh loqagan. Cul euna Jisas Krais uqa king bileceb catanena.

Me Je i Luk Jaqen 1:75

Eunu agena deel cunug cebac bilec age ititomca gunca ija amina coboqagan,’ gen.