Galesia 2:21 - Bal cehec je haun

²¹ Ija Anutna eelgec uum igec eu gesac qee mudelem. Anut ege dana ititom ec madecnu ege loo je toodu odoqona eu odi nijecebfi Krais uqa gauc cal men!

Galesia 2:21 Referans Kwoze

Pol Uqa Jaqec Je Oso Rom Tamanec Jaqiaden 11:6

Euqa uqa age loo je toodoinnu qee ehadel. Uqa age loo je toodoinnu ehadecebfi uqana eelgec uum igec eu uum igec mele bahic qee.

Galesia 3:21

I uqana gug eu loo je uqa Anutna muguh mecnu je hahunnu cadfo? Qee bahic! Eu odi qee! Ge, Anut uqa loo je oso eu ege cebac bilec igecnu igoubmi ege loo je toodu odoqona euna ititom coboc ocnu ihoc.

Hibru 7:11

Eu nawel tawec ihanec dana Liwai sihul agena cabi oc gadac eu uqana gugna Anut uqa Isrel dana loo je aden. Eunu nawel tawec ihanec dana Liwai sihul agena cabi oc eu ihoc himecmi nawel tawec ihanec dana gug fil oso qee caloub, uqa Eronwe qee qa uqa Melkisedekwe.

1 Korin 15:14

Odocob Anut uqa Krais tulidocob ceseli qee cajel eu melefi eunu me je ege qasali madoqona eu ceteh gauc, odocob agena wawaga meleec euha ceteh gauc.

Galesia 2:16

Euqa ege doqona, Anut uqa dana oso uqa Mosesna loo je toodu odonanu uqa dana ititom ec qee madena qa uqa dana oso uqa Jisas Kraisnu waug meleenanu eu himec uqa dana ititom ec madena. Odocob Anut uqa ege Kraisnu wawige meleennu ege dana ititom ec madigiannu egeha Krais Jisasnu wawige meleen. Odocob Anut uqa dana oso uqa Mosesna loo je toodu odonanu uqa dana ititom ec qee madel. Eunu Anut uqa ege dana ititom ec madigiannu ege Mosesna loo je qee toodu odolom.

Pol Uqa Jaqec Je Oso Rom Tamanec Jaqiaden 10:3

Age Anutna kobolna ege dana cajaca ititom gena eunu age qee dogina. Odocob agedodoc agena ititom kobol camasac mudec cabi ogina. Age Kraisnu wawaga qee meleel. Eunu age Anutna kobol ege dana cajaca ititom ec madena eunu qee jogoegina.

1 Korin 15:2

Age me je ija qasali maadem eu gagadic hewifeig Anut uqa me je euna himec cahahaadigian, euqa age wawaga gauc mele qee elfi.

Galesia 2:18

Ija Mosesna loo je toodu odoc kobol wele wagalem eu haun cehecnu sanan mifig ija ijadodoc loo je tefacdoc dana ihacadigina.

Pol Uqa Jaqec Je Oso Rom Tamanec Jaqiaden 8:31

Eunu Anut ceteh i cunug odona eunu ege eeta ec madecnu? Anut ege cesulgenafi in uqa egena cad?

Me Je i Mak Jaqen 7:9

Jisas je haun maaden, “Moses maden: ‘Hina anin memenca lalan malagale,’ en (Kisim Bek 20.12; Loo 5.16) Odocob Mosesha maden: ‘Oso memegfo, anagfo geuldecnu je madecebfi uqa cal migian,’ en. (Kisim Bek 21.17; Wok Pris 20.9) Ageqa madegina, ‘Dana oso uqa anag memegca cesulalecnu cetehcafi euqa uqa maalena, “Ceteh i ija alecnu ihoc eu, ‘Koban,’ ija Anut utigennu wele qagu abes mem,” alena dana eu uqa anag memegca nag oso cesulalecnu cain odoiaun,’ egina. Eunu age kobol jajanagail oin eu odi toodu odoginana Anutna je cilehdogina. Agena kobolha dana leih haun iwaladegina. Age odoc eundec matiha odi odogina. Odimeig age dana agena iwaladec eu toodu odoqagannu age Anut je gagadic maaden eu culegina eu me bahic ec cisdogina!” aden.

1 Korin 15:17

Anut uqa Krais tulidocob ceseli qee cajel eu melefi agena wawaga meleec eu ceteh gauc, odocob agena silail gaid ageca fagaden bilia.

Pol Uqa Jaqec Je Oso Rom Tamanec Jaqiaden 4:25

Anut uqa Jisas suldocob nimei egena silailnu cal men. Odocob Anut ege dana cajaca ititom ec magigiannu uqa Jisas cal mecnadec haun tulidocob cajen.