Galesia 2:20 - Bal cehec je haun

²⁰ Eunu qila ijana cebac bilec maha ina biligina eu ijadodoc cebac qee biligina qa Krais uqa ijana cebac bilec ija dunuh bilina. Odocob ijana cebac bilec qila biligina eu ija Anut Melahnu wawi meleecna biligina. Anut Melah eu uqa naluni mimei uqana cebac bilec ijanu ihanen.

Galesia 2:20 Referans Kwoze

Galesia 5:24

Odocob dana cajaca age Krais Jisasna bilegina eu age dewenega gale docca, golanaga me qeenu sililecca eu na babalecna tuitu qocobil cal men.

2 Korin 5:15

Odocob dana cebac bilegina age agedodoc cebac qee biluwainnu Krais uqa hehuladi cal men. Euqa age Kraisnu cebac biluqagannu uqa cal meceb Anut uqa tulidocob ceseli cajen.

Pol Uqa Jaqec Je Oso Rom Tamanec Jaqiaden 6:8

Eu mele, ege Kraisca cal mom eunu ege wawige meleeceb egeha uqaca cebac bileqan.

Galesia 6:14

Euqa ijanu, ija ceteh osonu qee culaigina, ija Jisas Krais egena Tibud eunu himec culaigina. Uqa na babalecna tuitu qocobil cal men eunu culaigina. Krais uqa na babalecna odoc euna oditeceb ijana cisdoc eu mahanadec kobol cunugnu cal men. Odocob ija mahanadec kobol cunug haun toodocwe qee.

2 Korin 13:5

Age agena wawaga meleec eu heweginafo, qeefo ec foqagannu agedodoc temdu cuhadoigale. Agedodoc gesili feiga. Jisas Krais uqa age dunuh bilina eunu qee doginafo? Uqa ageca qee bilecebfi age temadec euna toni aqena.

Pol Uqa Jaqec Je Oso Rom Tamanec Jaqiaden 6:13

Qila age loo je bisalu qee bilegina qa age Anutna eelgec uum igec bisalu bilegina. Eunu silail eu agena cilehadec haun qee biluwain. Odimeig age ebenega jaimagaca dewenega amihilon filfil cunugca kobol me qee odocnu silail kobol haun cain utuwain. Euqa age dana eu cal mecnadec ceseli cajen cebac bilia cinigwe age dewenegaca agena cisdocca cunug eu Anut uteiga. Odimeig age dewenega amihilon cunug eu ititom kobol odoqagannu Anut uteiga.

1 Tesalonika 5:10

Jisas uqa ege cebac biluqunafo, qee ege cal mec biluqunafo ege uqaca cebac bileqannu egenu cal men.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

Galesia 1:4

Jisas Krais uqa Memige Anutna cisdoc toodon. Odimei uqa qisol mec saen i qila bilina ege saen ina uqana gagadic odocnadec besigecnu egena silailnu uqadodoc deweg ihandumei cal men.

Me Je i Jon Jaqen 17:21

Mei, hina ija dunuhna biligina, ija hina dunuhna biliginawe eu odi age ele dunuhna bilimeig age cunug wawaga osol migiannu inonhigina. Eunu age odi wawaga osol mi bilecnana mahanadec eundec age hina ija sultem eunu wawaga meleigian.

Pol Uqa Jaqec Je Oso Rom Tamanec Jaqiaden 8:37

Eu odi qee! Ege ceteteh i cunug egeca calecebfi dana uqa nalunige mena cesulgeceb ege ceteteh i cunug wooldoqan.

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

Efesas 5:2

Age wawaga meleec cotogailnu nalunuga mecna coboigale. Eu odiwe Krais uqa egenu nalunige mimei uqadodoc cebac bilec culimei Anutnu ihandon. Ihandoc eu dedeman me bahic wasena.

Filipai 4:13

Ija Kraisca gabanli biluwuna eunu gagadic odoc Krais itina euna ceteh cunug odocnu ihoc.

Efesas 3:17

Odocob age Kraisnu wawaga meleecna Krais uqa age wawaga dunuh biligiannu inondugina. Odocob agena dana cajaca cunugnu nalunuga mec eu age wawagana wasimei duuec tawigiannu inondugina, eu odiwe na bebeig eu maha gagadic heweceb na duuec tawena.

Galesia 3:11

Aria, Anutna je odi jaqecha nijia: “Dana cajaca age Anutnu wawaga meleeceb Anut uqa dana cajaca eu ititom ec madeceb age cebac biluqagan,” ec nijia. (Habakuk 2.4) Eunu dana oso uqa loo je toodu odonanu Anut uqa dana ititom ec qee madena eu camasac nijia.

1 Jon 1:7

Euqa ege fulacdocna cobifeb eu odi uqa fulacdocna bilinawe ege gabandocobdocobimeb biluquna. Odocob uqa Melah, Jisas uqa golac eu egena silail cunug cagasigeceb soidoc biluquna.

Kolosi 1:27

Anutna cisdoc eu odi, uqa uqana je jahunec eu odocob uqana dana cajaca doqagan. Je jahunec eu cehewanca, eu gagadic odoc fulacdocca eu dana cajaca mahamaha cunug bilegina agenu bilia. O Kolosi, je jahunec uqana gug eu odi, Krais uqa age wawagana bilina. Odocob age uqana gagadic odoc fulacdocca adigiannu sumudi bilegina.

Pol Uqa Jaqec Je Oso Rom Tamanec Jaqiaden 5:2

Ege Jisas Kraisnu wawige meleennu uqa Anutna eelgec uum igecna ehigi ahon. Odocob ege Anutna eelgec uum igec euna qila biluquna. Odocob ege Anutna kobolkobol oqannu wawige meleeceb susumudi biluquna eunu ege culaoqona.

Pol Uqa Jaqec Je Oso Rom Tamanec Jaqiaden 1:17

Ge, Jisasnu me jena Anut uqa ege dana cajacanu ititom ena eu adi odona eu ihacgena. Eu wawige meleen jic euna himec ege dana cajaca ititom Anut amegna tawoqona. Eunu ege wawaga meleen eunu Anut uqa ege dana cajaca ititom ecnu ihoc. Eu odi Anutna jaqec je madena: “Dana cajaca age Anutnu wawaga meleeceb Anut uqa dana cajaca eu ititom ec madeceb age cebac biluqagan,” ena. (Habakuk 2.4)

2 Korin 13:3

Age Krais uqa ija conina je madena ec mele oginafo, qeefo? eunu gale adena. Aria, ija kobol i odigenna age doqagan. Doiga. Krais uqa agena kobol tutuc mudecnu deweg qee lasdona. Uqa uqana gagadic odoc age gemona ihacadigian.

Jahunec Je Camasac Muden 1:5

Jisas Krais uqa Anutna me je cunug qasali maaden, uqa dana age cal mecnadec ceseli cajec agena aquniadec, uqa dana mahanadec agena king cunug cofadena uqaha eeladec uum adeiale, uqa malol bilec adeiale. Age cunug feele adegina. Jisas Krais nalunige mena, uqa uqana ihanec cal mecna egena silail cagasiigen.

1 Tesalonika 1:10

Odocob ageha Anut Melah uqa wele cal men eu Anut tulidocob ceseli cajen eu sao jobonnadec haun ceseli camas migiannu sumudi bilegina gegina. Eu Jisas uqa Anut ege dana cajacanu gemag jawe beiaunnu cahahagigian.

Me Je i Jon Jaqen 10:11

Ija sipsip cofadec me. Cofadec me uqa uqana cebac bilec uqana sipsipnu culina.

Me Je i Jon Jaqen 6:57

Memige Anut cebac bilec gug bilina, uqa ija sulteceb ijaha uqanu cebac biligina. Eu odiwe oso uqa jeitina eu uqa ijanu cebac biligian.

Jahunec Je Camasac Muden 3:20

“Faga, ija jic cebecna lige bili tatawi gougoudugina. Oso ija jejeni dumei jic cebec hudecebfi ija uqaca lecemin ija uqaca sab jewan,” hena.

1 Pita 1:8

Age Jisas Krais qee felein qa age uqanu nalug megina. Age uqa qila qee fegina qa uqanu wawaga meleena. Agena wawaga meleec eu aig qona. Aig eu Anut uqa age dolonoga cahahadona. Odocob age uqanu celebo bahic egina. Agena celeboec eu ben bahic, eu celeboec cunug maha inadec wooldona, eu odi ege conigena qasali madecnu ihoc qee.

Matju 20:28

Ge, Dana Melah ha dana age ija cewel utuqagan imei qee toni nel. Qeeo. Dana Melah uqa dana cajaca cewel uadecnu toni nen. Uqa ijana cebac bilec eu dana cajaca mati besiadec fajadecnu culigen imei eunu toni nen,” aden.

Me Je i Jon Jaqen 15:13

Oso uqa uqana danah hehuladi cal mena, nalug mec eu wooldoc oso qee nijel.

Galesia 2:16

Euqa ege doqona, Anut uqa dana oso uqa Mosesna loo je toodu odonanu uqa dana ititom ec qee madena qa uqa dana oso uqa Jisas Kraisnu waug meleenanu eu himec uqa dana ititom ec madena. Odocob Anut uqa ege Kraisnu wawige meleennu ege dana ititom ec madigiannu egeha Krais Jisasnu wawige meleen. Odocob Anut uqa dana oso uqa Mosesna loo je toodu odonanu uqa dana ititom ec qee madel. Eunu Anut uqa ege dana ititom ec madigiannu ege Mosesna loo je qee toodu odolom.

2 Korin 10:3

Mele ege mahana biluquna, euqa ege dana mahanadec cinigwe han qee cadoqona.

Me Je i Jon Jaqen 1:49

Odocob Nataniel uqa Jisas jejeg hewi madon, “O Meca, hina Anut Melah! Hina Isrel agena king!” don.

2 Korin 1:24

Ege agena wawaga meleec euna ilo biluquna ec qee madoqona. Age agena wawaga meleecna gagadic tawegina. Eunu age ceeloqagannu ege ageca osoben cabi oqona.

Aposel 9:20

Uqa Juda agena cuha jonana limei Jisasnu me je maaden, “Jisas uqa Anut Melah,” aden.

Efesas 5:25

Krais uqa tamanecnu nalug mimei uqa tamanec cesuldocnu uqana cebac bilec culenwe eu odi dana age aidagailnu nalunuga meigale.

2 Korin 5:7

Ge, ege uqanu wawige meleecna coboqona, ege uqa fecidocna qee coboqona.

Me Je i Jon Jaqen 3:35

Memige Anut uqa Melahnu nalug mena, uqana ceteteh cunug uqa ebenna muden nijia.

1 Jon 4:14

Odocob Memige Anut uqa Melah dana cajaca cunug mahana bilegina eu cahahaadigiannu suldocob nen eu fom eunu je qasali madoqona.

Aposel 8:36

Odocob ale jic eu toodu numesi wa osona calesin. Odimesi dana eu madon, “Faga, wa ene nijia. Ija wa joitec oga tenafi in oso ija cahactigian?” don. [Odocob Filip madon, “Hina Jisasnu wawin cunug meleecebfi wa joc ihoc ogan,” don. Odocob uqa jejeg hewi madon, “Jisas Krais eu Anut Melah ija wawi meleena,” don.]

Matju 4:3

Wen dodon temgec eu uqaca limei madon, “Hina Anut Melahfi meen i maadecem sab ibuldocob jaga,” don.

Pol Uqa Jaqec Je Oso Rom Tamanec Jaqiaden 3:22

Anutna kobol ititom eu odi. Dana Jisasnu waug meleena eu uqa Anut dana ititom ec madena. Odocob dana cunug Jisasnu wawaga meleena age ijanaga dana ititom adegina. Anut uqa dana am cunug odi odona eu odoc filna qee odona.

Pol Uqa Jaqec Je Oso Rom Tamanec Jaqiaden 4:25

Anut uqa Jisas suldocob nimei egena silailnu cal men. Odocob Anut ege dana cajaca ititom ec magigiannu uqa Jisas cal mecnadec haun tulidocob cajen.

Pol Uqa Jaqec Je Oso Rom Tamanec Jaqiaden 5:6

Wele ege egedodoc cesulgecnu gagadic odocca qee bibiluqun saen Anut maden euna himec Krais uqa ege dana Anut hibemdom eundec ceseli cedgigiannu cal men.

Pol Uqa Jaqec Je Oso Rom Tamanec Jaqiaden 5:8

Euqa ege silail dana bibiluqun Krais cesulgigiannu cal men. Odoc euna Anut ege nalunige mena eu ihacgena.

Pol Uqa Jaqec Je Oso Rom Tamanec Jaqiaden 8:10

Silailnu age dewenega wele cal men eu mele. Euqa Krais age dunuhna bilecebfi age wele dana cajaca ititom calein. Eunu age dolonoga eu cebac bilina.

Pol Uqa Jaqec Je Oso Rom Tamanec Jaqiaden 14:7

Ege doqona, ege gemona dana oso uqana cebac bilecnu qee cisdona eu uqadodoc uqana ceteh himec. Odocob oso uqa uqana cal mecnu qee cisdona eu uqadodoc uqana ceteh himec.

1 Korin 6:17

Euqa dana oso uqa Tibudca fagdona eu uqa Tibudca alena Kis osol calowasan.

2 Korin 5:14

Ge, dana osol uqa dana cunug hehuladi dana cunugnu cal men, eunu uqana cal mecna dana cunug cal mein ec du cuhadoqona. Eunu Krais uqa nalunige mena eu egedodoc binanige suluqaunnu cahacgena.

2 Korin 11:10

Krais uqa je mele gaid maden eunu ijaha je mele gaid madigina. Eunu dana oso age Akaia hatuna anaana bilegina eu age ija kobol i odiginanu culai madecnu cahactecnu ihoc qee.

Filipai 1:21

Cebac bilecna gug eu eeta? Ijanu gug eu ija Kraisca osoben cobowona. Ija cal mifig ija uqaca bilocohul catanigian.

Hibru 8:3

Anut uqa nawel tawec ihanec dana ilo cunug age Anut loo uuteig ihanec gug filfil mecnu nesili ehadena. Eunu egena nawel tawec ihanec dana ilo uqaha ihanecnu ceteh osoca bilia.