Galesia 1:24 - Bal cehec je haun

²⁴ Odocob age Anut uqa ija odi oditennu dah mimeig Anut binan sulein.

Galesia 1:24 Referans Kwoze

Aposel 11:18

Saen age eu odi dah mimeig age Pitanu je madein eu culein. Odimeig Anut binan susuleig madein, “Anut odadeceb Juda dana qee eundec ageha agena silailnu tului falicdumeig cebac bilec catanec oqagan!” ein.

Me Je i Luk Jaqen 15:32

Euqa hina walin eu cal menwe qa qila uqa cebac bilia. Uqa jahunen qa qila uqa haun gulucduga. Eunu ege sab cilimeb celebooqona eu tutuc,’ don,” aden.

Me Je i Luk Jaqen 15:10

Ija maadigina, eu odiwe Anutna ensel age silail dana osol uqana silailnu tului falicdonanu agena gemona ceelec ben calena,” aden.

Me Je i Luk Jaqen 2:14

“Sao ohis bahic Anut uqa kobolkobolca biliale. Mahana dana age Anut uqa nalunuga mena eu malol bileigale,” ein.

Matju 9:8

Odocob dana ono cegulein age odi oodon fimeig cucuiein. Odimeig Anut uqa gagadic odoc eundec dana aden eu binan sulein.

2 Tesalonika 1:12

Jic euna age egena Jisas Tibud ijan binan ben utuqagan, odocob uqa age binanaga ben adigian. Odocob egena Anutca Jisas Krais Tibudca alena eelgec uum igecna odadecebil ceteh eu cunug caligian.

2 Tesalonika 1:10

Uqa deel euna ceseli hocob uqana dana cajaca qagoc cunug age camasac mecebil uqa euna binan ben ugian, odocob wawaga meleen dana cajaca cunug age binan suluqagan. Age je ege maadomnu wawaga meleen eunu ageha eu age gemo biluqagan.

2 Korin 9:13

Cabi i age cotogail cesuladecnu ogina eu agena kobol me camasac mudiadigian. Cotogail age, agenu Anutna je toodu cuhadogina ec doqagan. Odimeig ageha doqagan, age Kraisna me je eu mele oin, eunu age uqana me je toodu odogina. Odocob cotogail age, age dana leihca Anutna dana cajaca cunug ceteh geh adeginanu fimeig age Anut binan suluqagan.

Me Je i Luk Jaqen 7:16

Dana cajaca ono cunug age odi fimeig cucuiein. Odimeig age Anut binan susuli madein, “Je hahun madec dana ben ege gemo caleia,” mamadi madein, “Anut ege uqana dana cajaca cesulgigiannu hoia,” ein.

Me Je i Mak Jaqen 2:12

Odocob uqa cajimei mahucwe age amagana uqana gabagab u hewi nuen. Dana cajaca ono age odi oodon fimeig age cunug tumatumaimeig Anut binan susuli madein, “Ege wele oso odi qee oodon folom,” ein.