Galesia 1:17 - Bal cehec je haun

¹⁷ Odocob ija Jerusalem ono timig dana age aposel aquni calein eu age sisiladecnu qee nuelem. Euqa ija Arebia hatuna nuem. Odocob hibna ija ceseli Damaskas taunna nuem.

Galesia 1:17 Referans Kwoze

Galesia 1:18

Odocob hibna cabi gel cijed hedocob ija Pitaca je madewan bili Jerusalem ono tem. Odocob ija uqaca deel 15 biloh.

Aposel 9:2

jaqec je Sol uqa Juda agena cuha jonana Damaskas ono agena cofadec ihacadigiannu utennu sisildon. Jaqec je eu maden, “Sol uqa danafo, cajafo Jisasna Jic eu toodogina eu gulucadifei hewadi jeladimei cedadi Jerusalem ene ahugian eu cois,” en. Odocob uqa jaqec je eu uteceb Damaskas ono nuen.

Aposel 9:8

Odocob Sol mahanadec cajimei ameg huleldon qa meciecwe qee. Eunu age eben hewalimeig qagasadudu nui Damaskas taun dunuh lein.

Aposel 9:10

Odocob saen euna malogom oso, ijan Ananaias, uqa Damaskas taunna bilen. Odocob Tibud uqa majaudocna madon, “Ananaias!” don. Odocob uqa jejeg hewi madon, “Tibud, ija ihen,” don.

Aposel 9:19

Odocob hibna uqa sab jimei uqana gagadic odoc haun ceseli on. Odocob Sol uqa malogom gami age Damaskas ono deel osooso ageca bilein.