Filipai 3:17 - Bal cehec je haun

¹⁷ O wawige meleec cotiel, age cunug ija ciciloni oigale. Dana eu age ege odoqonawe odi odogina eundec feciadi cuhadumeig tooadeiga.

Filipai 3:17 Referans Kwoze

Filipai 4:9

Ceteh ija iwaladecemin oinca, ceteh ija odom ec doinca, ceteh ija odom ec feinca eu cunug odoigale. Odi odocobil Anut uqa malol bilecca eu ageca biligian.

1 Korin 4:16

Eunu age ija ciciloni ocnu niniadigina.

1 Pita 5:3

Age dana ben cinigwe bibili bileig Anutna dana cajaca Anut uqa age ebenegana men eu cain cilehadowain. Euqa age kobol me odadoqagan, odocob age dana cajaca jic ihacadecebil tooadoqagan.

2 Tesalonika 3:9

Egeha agena sab cetehceteh gauc oummiqa eu odi odocnaha silail qee moum. Ege gauc ocnu eu cois bahic. Euqa ege age me odoc ihacadec age eu odoc toogi odoqagannu odom.

Hibru 13:7

Age agena cofadec age wele Anutna me je qasali maadoloignu cisdoiga. Age eu agena cobocnu cisdoiga. Odimeig eu agena wawaga meleec kobol toodoiga.

1 Timoti 4:12

Age hina mel haun fecihuqagan qa age hina dana gauc ec cain cisdowain. Euqa hina dumain cobocna wawaga meleec dana cajaca dado madagale. Hina connaca, hina nalunuga mecnaca, hina wawin meleecnaca, odoc cataniecnaca age adi cobocnu ihacadagale.

2 Tesalonika 3:7

Ge, age agedodocha dogina, ege wele coboc ihacadom odi ageha coboqagan. Ege age gemona bibileb ege qee alal gel, ege cabi om.

1 Korin 10:32

Age Judanuca, Griknuca, Anutna tamanecnuca cisdoiga. Odimeig age kobol osonu age jaimaga qeti qocob silailna toni aqeiaunnu cain odowain.

2 Tesalonika 3:14

Dana oso uqa je ege jaqec ina jaqiadom cewududu toodu qee odocobfi age camas mudimeig uqaca cain cobowain. Odocob uqa majag dugiannu hibemdoigale.

1 Tesalonika 1:6

Odocob age geh sogoein age me je eu ceelecca Kis Gunnadec hocob oin. Eunu age egeca Tibudca toogi coboc dana ibuldoin.

Pol Uqa Jaqec Je Oso Rom Tamanec Jaqiaden 16:17

O wawaga meleec cotiel, ija cesusadigina. Dana leih age tamanec qatanegina. Age wawaga meleec dana cajaca je iwaladein eu hibemdocnu sigaladein. Age agena wawaga meleec wagalegina. Eunu age dana eundec hibemadeiga.

1 Korin 11:1

Age ija ciciloni oiga eu odi ija Krais cicilon uginawe.