Filipai 2:10 - Bal cehec je haun

¹⁰ Eunu Jisas ijan eu binanca bahic, odimei cunug age saona gunnaca, mahanaca, maha dunuh nocnaca bilegina eu age gob cehimeig ijan eu binan suluqagan.

Filipai 2:10 Referans Kwoze

Matju 28:18

Jisas uqa cemenega humei odi maaden, “Anut uqa ceteh cunug agena ilo miten. Uqa ceteteh cunug mahanaca sao jobonnaca cofadecnu gagadic odocha iten.

Hibru 1:6

Odocob saen Anut uqana mel matu maha ina suldocob nigiannu ninijen uqa odi maden: “Anutna ensel cunug age gob cehimeig uqanu cuha foqagan,” en. (Loo 32.43)

Efesas 3:14

Anut uqa Juda danaca Juda dana qee eundecca tanawadi gabanadeceb ege Krais Jisasnu wawige meleeceb ege uqaca gabangec Anut cemenug lecnu ihoc oqona gug inu ija Memige Anut amegna gob cehimig inondugina.

Jahunec Je Camasac Muden 4:10

dana matu 24 age king bilec cabalna bilina, uqa gaid bileceb catanena, uqa amegna toni mahuli cosolimeig eunu cuha feginanu. Age agena king katakat king bilec cabal amegna cacuti qelimeig due sileginanu:

Efesas 1:10

Uqana ceteh eu odigiannu cisdon eu odi. Uqa ceteteh cunug ifanen eu dado mumudeb lili saen uqa wele gadac menna uqa ceteteh cunug, eu saona gunnadec mahanadecca, Kraisca gabandocob Krais uqa cunugnu ilo biligian ec cisdon.

Matju 27:29

Odimeig age halu dud lalic qumeig king katakat mudimeig gulodutoin. Odimeig age sih oso ebenna mimeig amegna gob cehimeig lelandudu madoin, “O Juda agena king, feele!” doin.

Jahunec Je Camasac Muden 20:13

Odocob macas uqana cal mec dana culaden. Cal mecca dol jobonca alena cal mec dana age ono bilein eu culadesin. Cal mec dana cunug eu agena odoc euna odi gesiladen.

Efesas 4:9

Aria, je i “Uqa ohis bahic ten,” eu cel gugnu? Uqana gug eu uqa casac maha dunuh bahic toni non.

Pol Uqa Jaqec Je Oso Rom Tamanec Jaqiaden 11:4

Euqa Anut uqa cel je ceseli madon? Uqa odi jejeg hewi madon: “Ija dana 7,000 eu age Baal tibud amegna gob qee cehelein eu ijadodoc hewadem bileiga,” don. (1 King 19.18)

Jenesis 41:43

Odocob Fero uqa uqana karis lecis doc eu uteceb euna cobon. Cocobon Fero uqana han cofdoc dana age aquni utai madein, “Isa qoiga! Isa qoiga!” adein. Eunu uqa Isip maha cunugnu ilo muden.

Jahunec Je Camasac Muden 5:3

Euqa oso sao jobonnafo, mahanafo, maha bisalunafo uqa jaqec je col qoc eu huleldumei dunuh fecnu ihoc oso qee bilel.