Filipai 1:29 - Bal cehec je haun

²⁹ Eetanu? Anut uqa age Krais cewel utoc cabi aden. Odocob cewel utoc cabi eu odi. Age uqanu wawaga himec qee meleena qa age uqanu wawaga meleeceb age uqa ijannu dain adecha gahidogina.

Filipai 1:29 Referans Kwoze

Jems 1:2

O cotiel, deweneganu temadec filfil ageca hocobfi age eu ceelecna ceteh himec eigale.

1 Pita 4:13

Temadec euna age Krais uqa dain sogoecca gahidonwe ageha Kraisca osoben dain sogoecca gahidogina, eunu age ceeleigale. Odocob hibna Krais uqa gagadic odoc fulacdocca camasac migian saen euna age wawaga me bahic bileceb gehca ceeloqagan.

Aposel 5:41

Odocob aposel age cegulec culadein. Anut uqa age Jisasnu majanaga hewecnu eu ihoc ec cisdon eunu bebeli bileig age wawaga ceelen.

Pol Uqa Jaqec Je Oso Rom Tamanec Jaqiaden 5:3

Odocob ege eunu himec ceelecnu qee nijel. Odocob Anut uqana Kis Gun ege igina eu odigeceb Anut nalunige mec ege wawigena basecdona. Eunu ege culumen egeca caleginanu ha culaoqona. Ege culumen eu ege wawige gagadic mudina eu doqona. Odocob ege wawige eu gagadic tawecebfi ege dana temdocna gagadic tatawi culumen gahidoc kobol camasac mudina eu doqona. Odocob ege culumen gahidu wooldufob ege wawige meleeceb Anut ceteh cunug igigiannu saciadon eu susumudi biluquna. Eunu ege ceteh saciadon eunu wawige meleeceb ceteh eu susumudi bilifob ege eunu gauc qee susumudi biluquna.

Aposel 14:22

Ale bebelesi malogom hulunuga cehi aadesi wawaga meleec eu duuec tawigiannu dahiniga hewimesi ale ulicaadi maadesin, “Ege Anutna me cul ocnu culumen mati bahic gisi cacagu gemo euna odi leqan,” adesin.

Efesas 2:8

Ge, Anut uqa uqana eelgec uum igecna age wawaga meleeceb cahahaaden. Odocob eu agena odocna qee, eu Anutna bagol igec himec.

Kolosi 2:12

Odocob age wa joc oin saen euna age Kraisca heel cisadein. Odocob age wa jocna ha age Kraisca ceseli cajein, eu Anut uqa Krais tulidocob cal mecnadec ceseli cajen eu uqana gagadic odiodiecnu wawaga meleecna age ceseli cajein.

Aposel 14:27

Odimesi ale Antiok ceseli humesi ale tamanec cunugca gabanadimesi Anut cabi cunug ale gami cabi oinnu saadesin. Juda dana qee Anut jic hudeceb uqanu wawaga meleennu ha saadesin.

Aposel 13:39

Odocob age Mosesna loo je toodoginana dih Anut uqa agena silail cagasiadecwe qee. Euqa age dana inu wawaga meleecebfi uqa ihoc agena silail cagasiadigian.

Matju 16:17

Odi madocob Jisas madon, “O Saimon, Jon melah, hina eelhec biliga. Mahanadec dana oso je eu qee camas mihel. Eu Mei sao jobon bilia eu uqa je i camas mihia.