Efesas 5:22 - Bal cehec je haun

^22-23 Krais uqa tamanecna ilo bilina. Tamanec eu Krais deweg, odocob Krais uqa uqana cahahaadec. Eunu Krais uqa tamanecna ilo bilinawe eu odi gemug uqa aidegna ilo bilina. Odocob age Tibudna je toodu odoginawe eu odi aidagail age gemugail agena je toodu odoigale.

Efesas 5:22 Referans Kwoze

Kolosi 3:18

Aidagail, age Tibudna je toodu odoginawe eu odi age gemugailna je toodu odoigale.

Jenesis 3:16

Odimei uqa caja madon, “Ija hina mel basecnu dain hec saen eu ben bahic tubduhigen. Hina ben dain heheb mel basegan qa hina gemunnu gale hec eu odi nijigian. Euqa uqa hinana ilo biligian,” don.

Efesas 5:22

Krais uqa tamanecna ilo bilina. Tamanec eu Krais deweg, odocob Krais uqa uqana cahahaadec. Eunu Krais uqa tamanecna ilo bilinawe eu odi gemug uqa aidegna ilo bilina. Odocob age Tibudna je toodu odoginawe eu odi aidagail age gemugail agena je toodu odoigale.

1 Korin 14:34

Eunu agena cegulecna caja age tilii biluqagan eu odiwe cuha jona cunug caja age tilii bilegina. Ge, age je madecnu ihoc qee, age dana bisalu biluqagan eu odiwe Mosesna loo je madena.

Efesas 6:5

Begabeg meh cabi dana age agena cofadec dana maha ina bilegina eu age conoga toodu odoigale. Age cucuiecca, qelelecca, wawaga osolca cabi oiga, eu odiwe age Kraisnu cabi ogina.

Kolosi 3:1

Age Kraisca osoben cal mecnadec ceseli cajein. Eunu age ceteh sao ohisna isec nijia eu ocnu ebebaceigale. Ono Krais kingna cabalna bilina, uqa Anut eben meulana isec bilina.