Efesas 4:9 - Bal cehec je haun

⁹ Aria, je i “Uqa ohis bahic ten,” eu cel gugnu? Uqana gug eu uqa casac maha dunuh bahic toni non.

Efesas 4:9 Referans Kwoze

Me Je i Jon Jaqen 3:13

Oso sao jobonna qee ti calel. Dana Melah himec uqa sao jobonnadec toni nen,” don.

Hibru 2:9

Euqa ege Jisas foqona! Anutna eelgec uum igecna uqa dana cajaca mahanadec cunugnu cal migiannu Anut odudeceb saen nag odi himec uqa ensel bisalu bilen. Eunu Jisas uqa cal mec waug sogoecca egenu gahidonnu Anut king bilecca binanca muden. Eunu ege qila uqa king bilecca binanca ohis bilina eu foqona.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Jenesis 11:5

Odocob Tibud uqa dana eu age taun ben jo ohis bahic cecehegin tena eu figia bili nen.

Hibru 2:7

Hina ege saen nag odi himec ensel bisalu migem. Hina ege binanigeca king bilecca migem.

Me Je i Jon Jaqen 8:14

Odocobil Jisas jejenega hewi maaden, “Ija anadec hom, ana nuiginaca eu dugina. Ageqa ija anadec hom, ana nuiginaca eu qee dogina. Eunu ijanelnu je qasali madiginafiqa ijana qasali madecha mele tawena.

Me Je i Jon Jaqen 6:62

Age Dana Melah wele biloloi euna haun ceseli teteb fifeig age adi cisdoqagan?

Me Je i Jon Jaqen 6:58

Bred sao jobonnadec toni nen eu ihen. Eu age jajanagail jimeig cal mein cinigwe qee. Oso uqa bred i jigiaqa uqa cebac bileceb catanigian,” aden.

Me Je i Jon Jaqen 6:51

Ija cebac bilec bred eu sao jobonnadec nen. Oso bred i jifei uqa cebac bileceb catanigian. Bred ija adigina eu ija deweni, eu dana mahana bilegina age jimeig cebac biluqagannu bred,” aden.

Me Je i Jon Jaqen 6:41

Uqa ija bred sao jobonnadec toni nem ec maadeceb Juda dana age gonagona mi madein, “Eetanu uqa madena?” ein.

Me Je i Jon Jaqen 6:38

Ija Mei uqa sulten eu uqana cisdoc eu odi. Cunug age Melah fecidumeig uqanu wawaga meleeceb eu age cebac bilec catanec eu oqagan. Odocob ija cit qoc deelna tuliadecemin caji cebac biluqagan. Uqana cisdoc euha odi. Dana cunug uqa iten eu ija oso qee culdugaun qa ija cunug cit qoc deelna tuliadecemin caji cebac biluqagan. Eunu ijana cisdoc toodu odocnu qee nelem qa uqa sulten eu uqana cisdoc toodu odocnu ija sao jobonnadec toni nem,” aden.