Efesas 4:14 - Bal cehec je haun

¹⁴ Eunu ege mel sim cinigwe haun qee biluqaun, odocob je i faninadec dana age iwaladegina eu ege macas qahimei wagna cinigwe cain cecelgi lili huhu eiaun. Faninadec dana agena iwaladec je eu uhulec, eu dana agena cisdoc himec. Eu fufu cinigwe ege fulugeceb filfil ilag cain coboqaun.

Efesas 4:14 Referans Kwoze

Hibru 13:9

Je filfil wawaga dunuh limei wawaga falicdocob Anutna jic culuwainnu Anutna eelgec uum igec ege wawige gagadic mudinafi eu me bahic. Wawige eu ege sab jecnu loo je filfil toodoqona euna gagadic odoc qee ona. Dana cajaca kobol eu toodogina eundec oso qee cesuladena.

1 Korin 14:20

Ija cotiel, age mel sim cinigwe agena cisdocna cain biluwain. Age qisol mec kobol euna age mel sim cinigwe bileigale. Euqa age agena cisdocna age dana ben cinigwe bileigale.

1 Jon 4:1

O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.

2 Korin 2:17

Ge, ege dana mati bahic cinigwe qee, mati age cocobi Anutna je madecnu cabiwe eu meen qaig ocnu cabi ibuldogina. Euqa ege cabi i Anutnadec om, ege Anutna sos. Ege dana wawige tutucca, Kraisca wawige osol mimi Anut amegna je i Anut igen eu tutuc qasali madoqona.

Jems 1:6

Euqa dana eu Anut uqa utecnu ihocfo, qeefo odi cain cisdoiaun, uqa waug meleecca Anut inondoiale. Dana uqa odi cisdona eu uqa fufu macas fuludocob qahimei ehi li heli ahu helienawe.

Efesas 6:11

Age Anutna han cadec bala cunug taceigale. Euna age Seten nawel cocobi wooladecnu hohob age uqana cisdoc me qee euna tiec tawecebil ihoc ligiannu.

2 Timoti 4:3

Ge, saen oso hugian, saen euna dana cajaca age mele je iwaladec dah mecnu olosadigian. Euqa age golanaga mahana cetehnu sililec eu ocnu wawaga nijigian. Age cajimeig agedodoc agena iwaladec mati bahic ehadecebil age je laloca gale adena eu maadoqagan.

Jud Uqa Jaqec Je Oso Anutna Dana Cajaca Jaqiaden 1:12

Ija cotiel, age cegulimeig wawaga meleec cotogailnu nalunuga mimi bibileig sab jegina saen euna dana eundec age humeig cegulec i Anut amegna gegehin mudegina. Mele, age age gami sab jeginanu qa dana eundec agedodocnu dih cofdocnu majanaga nagha qee adena. Dana eundec age taen wa meni ninijen fufu hu fudocob ficagu nuina cinigwe. Age na eu aig qoc saenna aig qee qol cinigwe. Age na wele cal men, odocob dana age bebeig cunug cacalein. Age dana cal mi lecisdoin cinigwe.

Jahunec Je Camasac Muden 19:20

Odocob uqa dool cus me qeeca uhulec je hahun madec danaca hewalen. Uhulec je madec dana uqa dool cus me qee amegna kobolkobol uhulec eu odon. Uqa kobolkobol uhulec euna dana cajaca age dool cus me qee uqana gaga oin, dana cajaca age dool cus me qee ihiconnu cuha foloig eu age qauaden. Odocob uqa dool cus me qeeca, uhulec je hahun madec danaca osoben helaleceb ale wa gudoc benwe eu jaca ja meen jan dainca cijina euna cebac bilesina nosin.

Galesia 3:1

O Galesia age gad! In uqa humaladeceb age qila gad megina? Ija age amagana age Jisas Krais na babalecna tuitu qumeig caqusecebil caculimei cal men eu fecwe fein eunu maadem.

Matju 24:11

Uhulec je hahun madec dana matica ha camas mimeig age dana cajaca mati faninadi jic ceja qocna loqagannu dado madoqagan.

1 Jon 2:26

Dana leih age uhuladoqagannu odogina eunu ija jaqiadigina.

2 Timoti 3:13

Euqa dana qisol mimi cobocca, faninadecca age me qee odoc nag odi odoin, hibna me qee bahic odoqagan. Age oso qauadecebil agenelha qauadoqagan.

2 Korin 4:2

Ege kobol me qee jahunecnadec majanige gecca eu wele hibemdom. Ege qauadec kobolna qee coboqona. Odocob ege Anutna je qee falicdoqona. Qeeo. Ege mele je qasali maaadi camasac muduquna. Eu odocna ege Anut amegna coboqona eu dana age egena cabi oc eunu dewenega nijigiannu kobol tutuc ihacadoqona.

Matju 11:7

Odocob Jon uqana malogom age ceseli belecebil Jisas uqa dana cegulec ben eu Jonnu maaden, “Age Jon wadauna uqaca belein saen euna eeta foqagannu belein? Age balac fufu heweceb gulaeeb foqagannu beleinfo?

1 Korin 12:2

Age dogina, age haiden bilein saen euna ceteh oso diadecebfi age kadan tibud conogaca qee ageca lein. Euqa age eeta diadeceb age tooadecnu himec lein.

Aposel 23:21

Euqa dana am euna agena sanijec eu 40 wooldoc age jahunimeig uqa sumudi biluqagan. Age je cagoc oso madein eu odi age wa sabca qee jec bibileig Pol qagadoqagan ein. Eunu agena je cain dogaun. Age qila odoqagannu saciadoiga bileiga. Odocob hinana je adi dah moqagannu dih sumudegina,” don.

1 Jon 2:19

Wele dana eundec age ege gami bilom euqa age egena sihul bahic qee eunu age ege culigi belein. Ge, age egena sihul biloubmi age ege gami gaid biloum. Euqa age cunug egena sihul qee bilelein eu camasac migiannu culigi belein.

2 Pita 2:18

Ge, dana eu age deboi gad je caunca qee madegina. Age mamadeig dana leih faninadecebil golanaga cajeceb age wal kobol majanagaca qee filfil odocnu odadegina. Odimeig age kobol euna dana age qila bahic haiden agena jic ceja qoc culegina eu diadecnu cabi ocobil age uhulec iwaladec dana beli tooadegina.

Jems 3:4

Age wag ben ha feigale. Uqa ceteh ben bahic, fufu benben fudocobil nuina. Euqa culum hewec dana eu, wag culum eu ceteh nag bahic, uqa hewi dado mudeceb culum hewec danana cisdoc wag ben eu toodu nuina.

1 Timoti 3:6

Gadgad uqa waug cisdoc toodu deboeceb Anut uqa Seten geuldenwe eu odi geuldeiannu cofadec matu eu uqa wawaga meleec haun cain biliaun.

2 Timoti 1:15

Hina dogona, Esia mahanadec eundec cunug age ija hibemtein. Age eundec leih Figelusca Hemogenisca.