Aposel 9:36 - Bal cehec je haun

³⁶ Odocob Jopa taun ono malogom caja oso ijan Tabita bilen. Uqa ijan Grik agena jena eu Dokas. Uqa saen cunugna meme mamadi dana sawen cesuladoloi.

Aposel 9:36 Referans Kwoze

Taitas 3:8

Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.

Taitas 2:7

Hinana cad age egenu je me qee madecnu ihoc qee, odocob age teiteieinnu majanaga odigiannu kobol cunug hina odogona hinadodoc kobol me himec odoga eunu age hina cebain oqagan. Hina dana iwaladec cabi euna mele je himec maadagale, je gauc cain gabandogaun. Hina je tutuc dih madagale, odocob dana age euna cahuldoc oso fecnu ihoc qee.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

Efesas 2:10

Ge, Anut uqadodoc ege migen. Uqa ege Krais Jisasca gabangec cabi me oqannu migen. Anut uqa wele cabi me oc eu ege jic euna cobeqannu saciadon.

Aposel 10:31

Odimei maten, ‘Konilias! Anut hinana inondoc dah meia, hina dana sawen cesuladagana eu feia.

1 Timoti 5:10

Odocob uqa cabi caunca me odocnu ijanca. Uqa uqana mel me cobocnu iwaladen, uqa dana cus hoc eundec loo aden, dana cajaca qagoc eundec jaimaga wasacudiaden, dana cajaca age culumenca eundec cesuladen, cabi me ocnu deweg qee sosogon ol, caja wij eundec dih ijanaga buk euna jaqeigale.

1 Tesalonika 4:10

Eu mele, age cotogail Masedonia hatu cunugna bilegina eunu nalunuga megina. Euqa ege niniadoqona, cotogail cunugnu nalunuga mec haunhaun odoigale eu odiwe age qila odogina.

Filipai 1:11

Odocob agena coboc eu ceteh me bahic gehca Jisas Kraisnadec hona eu agenu am bigian. Odocob agena me coboc eu Anut binan uteceb binan suleqan.

Me Je i Jon Jaqen 15:8

Age aig matica qoqagaqa, ijana malogom bahic ha ibuldoqagaqa eu odi odocna ija Mei binan ben wasigian.

Me Je i Jon Jaqen 15:5

“Ija na wain gug, age wain batac. Age ijaca qee cuhanuc bibili ceteh caunca oso odocwe qee. Eunu oso uqa ija fagtec bilina, odocob ija uqa fagdoc biligina eu uqa aig matica qugian.

Kolosi 1:10

Odocob age Tibud gale dona eu odi cobocnu ihoc. Odocob ceteh uqa waug me nijigian eu gaid odoqagan. Agena cebac bilec eu cabi me hanoqagan. Odocob age Anutnu doc silecca eu ben dugian.

Aposel 9:38

Odocob Jopa taun eu Lida jobon cemenug nijen eunu saen malogom Jopadec Pita uqa Lida ono bilia ec dumeig age dana lecis je osoca sulalecebil belesin. Ale cesusdudu madosin, “Cain culugaun! Eleca hocom beloqa!” dosin.

Aposel 9:42

Odocob je Jopa cunug nui ihoc len. Odocob dana cajaca mati bahic Tibudnu wawaga meleen.

Aposel 10:8

Odimei Konilias uqa majaudocna madonnu saadimei suladeceb Jopa ono belein.

Aposel 10:23

Eunu Pita dana cijed eu age maadeceb lecebil witic osol jo euna nijein. Odocob deel osona uqa saciadocob uqa age gami belein. Odocob wawaga meleec cotugul leih Jopadec toodocobil osoben belein.

Aposel 11:5

“Ija Jopa taunna ono inondudugin majaudocna ihacten. Ija ceteh oso lotoc ben cinigwe sao jobondec sucun 4-pelana halu qagec hewen mahana nenen fem. Nimei ija cemeni tilien.

Aposel 11:13

Odocob uqa ensel uqana jona li tawimei madonnu sagen. Ensel uqa madon, ‘Oso suldocom Jopa ono nuimei dana, ijan Saimon age Pita egina, ehudi ahoia.

Matju 25:17

Eu odiha dana kina 2,000 on eu uqa cabi ocna kina 2,000 haun ocob kina 4,000 men.