Aposel 8:5 - Bal cehec je haun

⁵ Odocob Filip uqa Sameria hatu uqana taun benna nuimei ono dana cajaca Anutna Kraisnu me je maaden.

Aposel 8:5 Referans Kwoze

Aposel 6:5

Dana am eu age cunugca aposel agena cisdoc aquni madeinnu wawaga me bahic nijen. Eunu age Stiwen, Kis Gunca waug meleec dana, uqa nesili ehudein. Odocob age Filip, Prokoras, Naikena, Taimon, Pamenas, Nikolasca nesili ehadein. Nikolas uqa Juda dana qee, uqa dana Antiokdec. Wele uqa Juda sihul ibuldon.

Aposel 21:8

Cojageceb ege wawaga meleec cotigeil eu age culadimeb nui Sisaria taunna calom. Ono ege me je maadec dana Filipna jona lom. Odocob uqa gami nijom. Filip dana 7-pela Jerusalem ono caja wij agena sab siwiadec cabinu ehadein eundec oso.

Aposel 8:40

Odocob Filip uqa ija Asdod ene biliga ec maden. Odimei uqa jobon nagnagna nui me je qaqasali mamadi cocobi nui Sisaria taunna calen.

Aposel 5:42

Odocob deel cunugna tempelnaca, agena jo cunugnaca Jisas uqa Anutna Krais eunu me je maaadi coboin.

Aposel 9:20

Uqa Juda agena cuha jonana limei Jisasnu me je maaden, “Jisas uqa Anut Melah,” aden.

Aposel 8:1

Odocob dana age Stiwen qocobil cal men eunu Sol eu tutuc ec cisdon. Age gihacdoc jona madecnu saen euna sanan mimeig wawaga meleec tamanec Jerusalem bilein aaqati tooadein. Eunu dana wawaga meleec eundec cunug budu Sameria hatuca, Judia hatunaca beladein qa aposel age qee budoloin.

Aposel 1:8

Euqa saen Kis Gun ageca neceb age gagadic odocca biluqagan. Odocob age dana cajaca cunug ijanu je qasali maadoqagannu Jerusalem onodec Judiaca Sameriaca li hatuhatu cunug olom danigian,” aden.

Aposel 8:6

Buga me qee dana geh bahic deweneganadec ititacadeceb cali huhu bebeleig geh bahic utaein. Odocob dana mati age ebenega jaimaga cal mecca laleg mecca me mamaden fein. Eunu dana cajaca mati bahic Filip je maaden eu age cunug uqa dah mumudeig odoc kobolkobol odon eu fimeig dah moqagannu dahiniga cehi cuhadoin.

Aposel 8:26

Odocob Tibudna ensel Filip madon, “Hina saciadumeg fufu saut isec jic Jerusalemdec Gasa jobon nuec eu toodu nuuga,” don. Jic eu wadau gemona nuina.

Aposel 8:30

Odocob Filip cemenug limei uqa je hahun madec dana, Aisaia, uqana buk eu sasanijen dah men. Odimei uqa sisildon, “Hina jaqec je sanijigina eu wawin fogo donafo?” don.