Aposel 8:4 - Bal cehec je haun

⁴ Dana wawaga meleecca eundec buadein eu cudun cunugna beladein. Odimeig me je qaqasali maaadi coboin.

Aposel 8:4 Referans Kwoze

Aposel 11:19

Juda dana wawaga meleecca age saen Stiwen qoinna age jajabi tootooadecebil buadein eundec leih age Finisia hatuca, Saipras nuica Antiok taun isec age cocobi li Juda dana eundec dih me je maaadi belein.

Aposel 8:1

Odocob dana age Stiwen qocobil cal men eunu Sol eu tutuc ec cisdon. Age gihacdoc jona madecnu saen euna sanan mimeig wawaga meleec tamanec Jerusalem bilein aaqati tooadein. Eunu dana wawaga meleec eundec cunug budu Sameria hatuca, Judia hatunaca beladein qa aposel age qee budoloin.

Matju 10:23

Ija mele maadigina, age jobon oso cuculi busali osona li bilec odi oodi Isrel agena jobon cunug qee li hedoc ninijeb Dana Melah ceseli hugian. Eunu dana age jobon oso aqati tootooadecebil busali jobon osona beli bileiga,” aden.

1 Tesalonika 2:2

Ege ageca Tesalonaika ono qee calec ninijen age wele Filipai ono qigimeig je me qee magein ec doin. Euqa ege ageca hocomun egena Anut wawige gagadic mudigeceb ege egena cadnu qee cucuiolom. Euqa ege Anutna me je qasali maadom.

Aposel 15:35

Odocob Banabas Polca Antiok ono nag odi bilesin. Ale dana matica osoben tamanec ono Tibudna me je iwaladein.

Aposel 8:12

Euqa saen Filip uqa me je Anutna culnuca, Jisas Kraisnuca qasali maaden eunu dana cajaca cunug wawaga meleeceb wa joc oin.