Aposel 5:16 - Bal cehec je haun

¹⁶ Odocob mati bahic dana caja hagca eundec jobon nagnag Jerusalem alildoc onodec buga me qeeca eundec cedi ahocobil age cunug me madein.

Aposel 5:16 Referans Kwoze

Jems 5:16

Eunu Anut age meadigiannu age agena silail qasalitocobtocobeigale. Odocob euha cotigcotignu inondocobdocobeigale. Dana ititom coboc uqana inondoc eu gagadicca, eu gagadic odoc odocnu ihoc bahic.

Me Je i Jon Jaqen 14:12

“Ija je mele maadigina, oso ijanu waug meleena eu ija kobolkobol odigina euha odigian. Ija Memige Anutca tigennu uqa ija wooltec kobolkobol odigian.

Me Je i Luk Jaqen 9:11

Dana cajaca geh bahic age Jisas uqa Betsaida jobon bilen eu dah memeig toodoin. Uqa meme mamadi Anutna culnu je maaden. Odimei hagca eundec me maden.

Me Je i Luk Jaqen 5:17

Deel osona Jisas uqa iwalaaden Farisi dana leihca loo je iwaladec dana leihca age jobon filfil Galili hatu ono Judia hatudec hu bilein. Leih Jerusalemdec hoin euha bilein. Odocob hag dana me madecnu Tibudna gagadic odoc Jisasca bilen.

Matju 8:16

Odocob wesu meceb dana age cotogail mati dewenega buga me qee hewadein eundec cedadecebil Jisasca ahoin. Odocob Jisas uqa buga me qee je maadeceb dana deweneganadec cali hu belein. Odimei dana cajaca cunug age hagca me maden.

Matju 4:24

Age uqa hutannu je saec eu Siria hatu cunugna ihoc len. Odocob age dana cajaca hag gug filfil me qee maden eundecca, dain ben aden eundecca, buga me qee hewadein eundecca, dana caja titi hudec hagca age gaid dewenega qeleceb toni mahulegina eundecca, dana tefulunuga laleg mi cal mein eundecca cedadi Jisasca ahocobil Jisas uqa me maden.

1 Korin 12:9

Odocob Kis eu dih uqa dana oso uqa waug meleecnu duman utina. Odocob Kis osol eu uqa hag me madecnu duman utina.

Matju 2:16

Herod uqa doc silecca dana age ija uhultiti woolti belein imei gemag ben bahic ben. Odimei uqa han dana suladeceb age mel manahal age cabi gel lecis qee wooladec eundec cunug age Betlehem jobonca hatu cemenugca ono bilein eu aqi hedoin. Uqa doc silecca dana malaqa cel saen wasen sisiladeceb madocobil don eu toodu mel aqeceb cal mein.

Aposel 5:15

Eunu aposel age odi oodogin dana age Pita hu woolaadeb uqa hahun aqeceb me madigiannu age hagca gahiadi jicna agena cabalna agena taegna cedi ehi li madoloig.

Aposel 5:17

Odocobil ihanec dana iloca, Sadjusi dana age uqaca tawein eundecca age heel mec je madein. Eunu age aposelnu age ceteh oso odadecnu cisdoin.

Me Je i Luk Jaqen 6:18

Odocobil leih age buga me qee gegehinca hewadein eundec Jisas uqa me madein.