Aposel 15:7 - Bal cehec je haun

⁷ Odimeig saen cecelac bahic togodumeig Pita cajimei maaden, “O cotiel, ija Juda dana qee me je maadecnu weleca Anut age gemonadec ija nesili ehiten. Eunu Juda dana qee age dah mecebil wawaga meleigiannu eu dogina.

Aposel 15:7 Referans Kwoze

Aposel 15:2

Eu odi odocobil Banabas Polca gami fee dadanein. Eunu Banabas Polca dana leih Antiokdecca age Jerusalem ono belimeig je fee dadanec ein eundec aposel tamanec agena matuca maadoqagannu madein.

Aposel 20:24

Euqa ija deweni eu ceteh gauc cinigwe figina. Eunu ija ijana me je madec cabi Jisas Tibud iten eu qee mudigennu gale tena. Anut uqa dana cajaca eeladec me bahic uum aden eunu me je qasali maadecnu cabi eu,” aden.

Aposel 10:20

Hina saciadumeg toni noga. Eu age ija suladecemin hoiga eunu hina age gami nuecnu cain culumen heiaun,” don.

Filipai 2:14

Ceteteh cunug age odogina eu gonagona mecca jena fee dadanec eu culimeig odoigale.

Aposel 15:39

Odocob aledodoc fee dadan bahic imesi filfil filigandu belesin. Banabas Mak ehudeceb wagna Saipras nuina belesin.

Aposel 13:2

Odocob saen age Tibud binan susuli cud bibilegin Kis Gun maaden, “Banabas Solca cabi mugumula mem eu ija aligennu qagualeiga,” aden.

Aposel 9:15

Euqa Tibud madon, “Juda dana qee ageca, agena king ageca, Juda dana ageca ija ijani hewi ageca nuecnu ija cabi inu nesili ehudem. Odocob ijadodoc uqa ija ijaninu dain doc ganic ugiannu ihacdugen. Eunu nuuga,” don.

Aposel 4:25

Wele hina Kis Gunna ege jajanige Dewid hinana cabi dana Kis Gun cona mecem je maden: ‘Eetanu Juda dana qee eundec age gemanaga ben? Eetanu dana cajaca cunug age ege Tibud me qee odudeqan imeig qa odocwe qee?

Aposel 3:18

Euqa Anut wele bahic ceteh i cali hugiannu maaden. Uqana je hahun madec dana conogana maden, ‘Age Anutna Krais eu dain ben umei gahidugian,’ en eu odi mele bahic ihoc len.

Aposel 1:24

Odimeig age inondu madoin, “O Tibud, hina cunug agena cisdoc dogona eunu dana lecis i alenadec in eu uqa aposel cabi cudun Judas uqa cuculi uqana gucna nuen eu ugiannu hina nesili ehudem ege ihacgaga,” doin.

Aposel 1:16

Uqa maaden, “O cotiel, je oso eu Anutna jaqec je weledecna nijia. Wele bahic Kis Gun odocob Dewid uqa je oso Judasnu maden. Judas uqa Jisasna cad jic dado madimei uqa age ebenegana Jisas mudigian eunu je maden. Odocob je i wele aig qon.

Me Je i Jon Jaqen 15:16

“Age ija nesili qee ehitelein qa age belimeig aig qoqagannuca, agena aig qoc eu catanigiannuca nesili ehadem. Odimig age Memige Anut uqa age ijanina ceteh osonu inondoqagaqa eu cunug adigiannu ija age nesili ehadem.

Me Je i Jon Jaqen 3:27

Odocob Jon jejenega hewi maaden, “Anut uqa sao jobon bilia uqa dana oso ceteh oso qee utecebfi dana eu ocwe qee.

Aposel 10:19

Odocob Pita uqa majaudocna fen eu uqana gugnu gagadic cisdodon Kis uqa madon, “Faga! Dana cijed hina walihegina age ene hoiga taweiga.

Aposel 15:14

Saimon uqa wele sildigia, Anut hahawan Juda dana qee eundec age cahahaadecnu limei gemonadec leih uqanagul bilituqagannu cedaden.

Aposel 21:16

Sisariadec malogom leih ege gami tom. Odimeb age ehigi dana oso uqana jona nijeqannu uqaca lein. Dana eu ijan Neson, uqa Saipras nuidec. Uqa sanan mecnadec malogom bibili hon.