Aposel 10:41 - Bal cehec je haun

⁴¹ Uqa dana cunugnu qee camasac mel qa dana leih himec amagana camasac men. Ege Anut uqana odoc fecnu nesili cedigen, ege uqa cal mecnadec ceseli cajeceb uqa gami wa gab sabca jom ege eundec himec amigena camasac men.

Aposel 10:41 Referans Kwoze

Me Je i Jon Jaqen 14:22

Odocob Judas, eu Judas Iskariot qee, uqa Jisas sisildu madon, “Tibud, eetanu hina hinana gugnu ege amigena camasac megan qa dana mahanadec amagana qee camasac migaun agana?” don.

Me Je i Jon Jaqen 21:13

Jisas uqa age cemenega limei bred eu umei feni siwiaden. Odimei cul doolha siwiaden.

Me Je i Jon Jaqen 14:17

Eu mele jenu Kis. Mahanadec age uqa qee fifi dudu egina. Eunu age uqa ocnu qee nijel. Euqa uqa ageca bilina, uqa age dunuhna biligian. Eunu age uqanu dogina,” aden.

Aposel 10:39

Odocob uqa Juda agena hatunaca, Jerusalemca odoc cunug oodon ege fimeb qasali maadoqona. Age uqa na babalecna tuitu qumeig caqusecebil caculimei cal men

Aposel 13:31

Odocob deel mati bahic dana uqa gami Galilidec Jerusalem tein age amagana camasac mimien. Age uqa feinnu qila Isrel dana cajaca qasali maadegina.

Aposel 1:22

saen hahawan Jon uqa wa joadecnu je maaaden li deel Jisas uqa egecadec ehudi sao jobonna ehi ten eu gadac. Odocob dana i uqa egeca gami Jisas cal mecnadec ceseli cajennu je qasali maadec cabi oqale,” aden.

Me Je i Jon Jaqen 15:16

“Age ija nesili qee ehitelein qa age belimeig aig qoqagannuca, agena aig qoc eu catanigiannuca nesili ehadem. Odimig age Memige Anut uqa age ijanina ceteh osonu inondoqagaqa eu cunug adigiannu ija age nesili ehadem.

Me Je i Luk Jaqen 24:30

Uqa eu aleca sab jec cabalna bilimeig bred umei eeldoc je maden. Odimei uqa bred fenadimei alen.

Me Je i Luk Jaqen 24:48

Age eu ceteteh i wele fein eunu qasali maadeiga.

Me Je i Jon Jaqen 14:19

Saen gohic odi gieceb mahanadec dana age ija haun qee mecituwain. Ageqa mecituqagan. Ija cebac biliginanu ageha cebac biluqagan.

Me Je i Jon Jaqen 15:27

Age age gug qocnadec ijaca bilomnu ageha ijana gugnu je qasali maadoqagan,” aden.

Aposel 1:4

Saen age uqaca gabandu bibileig uqa je i maaden, “Jon wana wa joaden qa deel osooso hedocob Anut age Kis Gunna wa joadigian. Eunu age Jerusalem cain culuwain. Ceteh me Memige Anut adigiannu maden maadem eu sumudi bileiga,” aden.