2 Timoti 3:15 - Bal cehec je haun

¹⁵ Hina mel sim bibileg me je gun dom. Dodog ben mem. Me je gun eu uqa Krais Jisasnu wawin meleeceb cahahahecnu ihoc iwalhena eu dogona.

2 Timoti 3:15 Referans Kwoze

Me Je i Luk Jaqen 24:45

Odimei uqa Anutna jaqec jenu wawaga fogo dugiannu cisdoc fogo duaden.

Me Je i Luk Jaqen 24:27

Odimei Jisas uqanu Anutna jaqec je cunugna madenanu sildialen, uqa Mosesna loo jena sanan mimei je hahun madec dana agena jaqec je cunug odi maalen.

Matju 22:29

Odocobil Jisas jejenega hewi maaden, “Age Anutna jaqec je nijia eu qee dogina, age Anutna gagadic odocha qee dogina. Eunu age dadanecca bilegina!

2 Timoti 1:5

Ge, hina wawin meleecnu cisdugina, eu wawin meleec bahic. Wawin meleec eundec wele asin Loisca anin Junisca alena bilen. Qilaqa hinana bilina eu mele bahic dugina.

Me Je i Luk Jaqen 2:40

Odocob hibna mel eu ben mi gagadic men. Uqa Anutna doc am bec biloloi. Uqa Anut amegna me bahic biloloi.

Pol Uqa Jaqec Je Oso Rom Tamanec Jaqiaden 16:26

Qilaqa Anut odocob je hahun madec dana agena jaqec jena me je eu camasac caligian. Anut uqa bileceb catanena uqa madeceb dana cajaca mahana cunug bilegina eu age me je eu dah mein. Eunu dana cajaca cunug age wawaga meleeceb me je eu toodoin.

Pol Uqa Jaqec Je Oso Rom Tamanec Jaqiaden 1:2

Wele bahic Anut uqana je hahun madec dana maadeceb age me je i jaqein. Me je i Anutna jaqec je gunna bilen.

Aposel 10:43

Je hahun madec dana cunug age Jisasnu madein, cunug age Jisasnu wawaga meleena Anut uqa Jisas ijanna agena silail cagasiadigian ec madein,” aden.

Me Je i Luk Jaqen 24:32

Odocob eu aledodoc togodudu madesin, “Saen jic cuhul je malili Anutna jaqec je sildilelen ele wawile ceeleia!” esin.

Aposel 17:2

Odocob Pol uqa gaid odoloiwe uqa odi cuha jo euna len. Ono cuha deel cijed uqa dana gami Anutna jaqec jenu fee dadanein.

Jahunec Je Camasac Muden 19:10

Odocob ija uqa jaihna toni mahuli cosolimig uqanu cuha fecnu odom qa uqa maten, “Cain odogaun! Ija cewel oc dana gami hinaca, hina wawaga meleec cotinelca, cunug age mele je Jisas qasali maaden eu hewegina eu age ija cabi hijiga. Eunu hina Anutnu dih cuha faga!” ten. Ge, mele je Jisas qasali maaden eu me je uqana gug eu Kis Anut uqa je hahun madec dana adeceb age me je qasali maadein.

Aposel 13:29

Odocob age Anutna jaqec je uqanu madena ihoc ligiannu odi toodu hedocobil age na babalecnadec umeig ehi nui heelna mudein.

2 Pita 3:16

Uqa uqana jaqec je cunugna ceteteh inu gaid madena. Uqana jaqec jena ceteh leih eu docnu cabi bahic, eu dana docca qee age wawaga gagadicca qee tawegina eu age Polna jaqec je sildi cahuldogina, eu odiwe age Anutna jaqec je leihha sildi cahuldogina. Age odi odoginanu agedodoc fadaloqagannu euca hogina.

Me Je i Luk Jaqen 1:15

Ge, uqa hibna dana binanca Tibud amegna cobigian. Uqa wainca ceuca qee jeiaun. Saen uqa anag waugna bibileb uqa Kis Gun cacawac mec biligian.

Me Je i Jon Jaqen 5:47

Euqa age je Moses jaqen nijia eunu wawaga qee meleecebfi age ijana jenu adi wawaga meleigian?” aden.

Aposel 16:1

Odocob Pol cocobi nui Debi Listraca ono cobon. Odocob malogom oso, ijan Timoti, ono biloloi. Uqa anag ha waug meleecca Judadec qa memeg Grikdec.

Aposel 26:24

Odocob Pol eu odina uqadodoc uqanu je mamaden Festas gagaladon, “Pol, hina gad! Hinana doc ben bahic odiheceb hina gad magana!” don.

Pol Uqa Jaqec Je Oso Rom Tamanec Jaqiaden 2:27

Odocob dana age dewenega cagu qee qoc qa loo je toodu odogina eu age hina dewen cagu qocca loo jeca qa loo je qee toodu odogona eu gesilhoqagan.

1 Korin 1:21

Anutna gad je eu dana agena cisdoc silecca wooldona. Odocob Anutna lasdoc eu dana agena gagadic wooldona. Anut uqana cisdoc sileccana dana cajaca odadeceb age uqanu docnu eu agena cisdoc sileccana agedodoc docnu ihoc qee. Eunu ege me je eu age gad je egina eu qasali maadoqona euna Anut uqa dana cajaca wawaga meleena eu cahahaadecnu cisdon. Juda age kobolkobol odoc fecnu gagadic megina. Odocob Grik age cisdoc silecca walegina. Euqa ege age Krais na babalecna tuitu qocobil cal men eunu je qasali maadoqona. Je eu Juda agenu eu meen cinigwe age jaimagana qeti aqeceb toni aqena. Odocob je eu Juda dana qee eundec agenu eu gad je. Euqa leih Anut utaaden, eu Juda Grikca osoben agenu, je eu Krais, uqa Anutna gagadic odoc, odocob uqa Anutna cisdoc silecca.

Efesas 6:4

Memegail age agena mel sim elalenadecebil gemanaga bigiannu cain odowain. Euqa age cofadi cuhadumeig Tibudna je ihoc mecnaca iwaladeigale.

1 Timoti 4:13

Hina Anutna je tamanec sanijiadecnuca, me je sildiadecnuca, iwaladecnuca cabi eu uu bibilem ija ono caligen.

2 Timoti 1:1

Ija Pol, ija Krais Jisasna aposel. Anut uqana gale docna ija aposel miten. Ija cebac bilec Jisas Kraisnadec egeca hona eu uqa ege Jisas Krais gabangec biluquna igigiannu wele magen eunu silig sildiadecnu cabi dewenina men, eu ugina.