2 Timoti 2:11 - Bal cehec je haun

^11-13 Je madoqona eu mele nijia: “Anut uqadodoc uqana gugnu qee sasac qocwe qee. Gug eunu ege uqaca cal momfi eunu egeha uqaca cebac bileqan. Ege culumen gahidudu biluqunafi eunu egeha isi uqaca king bileqan. Ege uqanu qee sasac qoqonafi eunu uqaha egenu qee sasac qugian. Ege egena cagoc je culuqunafi uqaqa uqana cagoc je qee culiaun,” oqona.

2 Timoti 2:11 Referans Kwoze

Pol Uqa Jaqec Je Oso Rom Tamanec Jaqiaden 6:8

Eu mele, ege Kraisca cal mom eunu ege wawige meleeceb egeha uqaca cebac bileqan.

1 Timoti 1:15

Krais Jisas ege silail dana cajaca cahahagecnu maha ina toni nen ec madec eu mele bahic. Je madec eu dana cajaca cunug dumeig wawaga meleigiannu ihoc nijia. Ijaha silail dana, ija silail dana cunug wooladec.

Pol Uqa Jaqec Je Oso Rom Tamanec Jaqiaden 6:5

Ege Kraisca gabandumeb uqa cal men eu odi cal mom. Eunu ege uqaca gabandumeb uqa ceseli cajen eu odi egeha ceseli cajeqan.

2 Korin 4:10

Ege gaid Jisasna cal mec eu dewenigena gahidoqona. Odimeb Jisas cal menwe odi cal meqa bili coboqona. Euqa ege cebac biluquna. Eunu Jisasna cebac bilec euha ege dewenigena camasac mena.

Me Je i Jon Jaqen 14:19

Saen gohic odi gieceb mahanadec dana age ija haun qee mecituwain. Ageqa mecituqagan. Ija cebac biliginanu ageha cebac biluqagan.

Taitas 3:8

Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.

1 Tesalonika 5:10

Jisas uqa ege cebac biluqunafo, qee ege cal mec biluqunafo ege uqaca cebac bileqannu egenu cal men.

1 Tesalonika 4:17

Odocob ege qee cal molom cebac biluquna eu cajocomun eundec age gami taenna gabandumeb ege sao ohisna Tibudca gulucdadaneqan. Euna ege Tibudca odi bilocomun catanigian.

2 Korin 13:4

Mele, wele uqa lasdocca euna age na babalecna tuitu qocobil cal men. Euqa qila uqa Anutna gagadic odocna cebac bilina. Ge, ege uqaca gabandocna egeha lasdocca qa ege gagadic i age gemona ihacadecnu ege Anutna gagadic odocna Kraisca gabandu cebac bileqan.

1 Timoti 3:1

Je i eu je mele, dana oso uqa tamanec cofadec matu bilec cabi eu ugen ec gale donafi eu uqa cabi binanca bahic gale dona.