2 Pita 2:4 - Bal cehec je haun

⁴ Age dogina, wele ensel leih age silail mein. Odocob Anut uqa ensel eundec qee culadel qa qeladeceb oloqanihna lein. Ono age mama helo tuca onoca bahic Anut saciaduaden euna gihacaden bilegina. Euna age Gesiladec Deel Bennu sumudi bilegina.

2 Pita 2:4 Referans Kwoze

Jud Uqa Jaqec Je Oso Anutna Dana Cajaca Jaqiaden 1:6

Ageha wele dogina, ensel age Anut cabi i aden eu ocnu culimeig age agena cudun culein. Eunu Tibud uqa ensel eu senna libadimei mama helo tuca me qee bahic euna gihacaden bilecebil catanena. Age ono bibili li Anutna deel benna gesiladigian.

Matju 25:41

“Odi maadimei dana cajaca age eben ansena isec tawegina eundec odi maadigian, ‘Age ija wen teten bibiligin sab qee itelein. Ija wa gab teten bibiligin wa qee itelein. Ija jag bibiligin qee ehitelein. Ija bical bibiligin lotoc qee taqitelein. Ija hagca bibiliginca gihacdoc jona bibiliginca qee hu mecitelein. Eunu Anut geladen age cuculti ja cijeceb catanena euna nui bileiga. Eu Setennuca uqana enselnuca saciadon nijia,’ adigian,” aden.

Pol Uqa Jaqec Je Oso Rom Tamanec Jaqiaden 8:32

Uqa uqagul Melah qee sosogon ol euqa ege cunug cesulgigiannu suldocob nen. Uqa Melah wele igen eunu uqa ceteh cunugha qee igiaunfo?

Jahunec Je Camasac Muden 20:10

Odocob Seten, uqa qauaden eu, heludecebil wa gudoc benwe eu jaca ja meen jan dainca cijina euna non, ono dool cus me qeeca, uhulec je madec danaca helalecebil nosin. Age ono witic cahinegca gaidgaid dain ben aadeb sogoi bilecebil catanena.

Me Je i Luk Jaqen 10:18

Odocob Jisas jejenega hewi maaden, “Ija Seten amel faleecwe sao jobondec totonen figa.

1 Jon 3:8

Anut Melah uqa Setenna cabi oc fadaldugiannu camasac men. Ge, Seten uqa gug qoc saennadec hu qila silail mimi bilina. Eunu oso uqa silail mimi bilina eu uqa Setennadec.

2 Pita 2:11

Ensel eu age gagadic odocca bahic age ensel leih silail mein eu wooladegina. Euqa ensel eu age ensel silail mein qee cewadegina, odimeig age Tibud amegna agenu je me qee qee gesiladi madegina.

2 Pita 2:5

Odocob ageha dogina, wele dana cajaca age wa sil ben saona qee nec mahana bilein eu age Anutna kobolna qee coboin. Anut uqa dana cajaca eundec qee culadel qa uqa odocob wa sil ben nimei dana cajaca eundec fadaladen. Euqa Noa uqa ititom kobolnu je maaden. Odocob Anut uqa Noaca dana cajaca 7-pelaca cofadeceb me bilein.

Me Je i Luk Jaqen 8:31

Odocob buga me qee Jisas ititacadeceb maha heel ben eu dunuh bahic non gugca qee euna cain belowainnu ninidoin.

Me Je i Jon Jaqen 8:44

Ageqa memega Setenna mel bilegina. Memega eu waug gale dona eundec age toodocnu gale adena. Gug qoc saennadec uqa dana aqecnu tawena. Mele je madec eu uqa waugna qee tawel. Eunu uqa mele je qee madena. Uqa uhulec je madec dana, cunug age uhulegina eu agena memega. Eunu uqa uhulec je madena eu uqadodoc duman toodu madena.

Me Je i Mak Jaqen 5:7

Odocob Jisas uqa buga me qee madon, “Buga me qee, hina dana eu culdimeg qisacdoga!” don. Eunu dana eu uqa co suli u eui Jisas madon, “Jisas Anut Ohis Bahic Melah, hina ija eeta oditegan? Ija Anut amegna mahigina, cain me qee mitigaun!” don.

Matju 8:29

Odocob ale jejenela suli u madosin, “O Anut Melah, hina ege eeta odigegan? Saen qee calel hina ege me qee odigecnu hogafo?” dosin.

Jud Uqa Jaqec Je Oso Anutna Dana Cajaca Jaqiaden 1:13

Age sigaladec dana eu fufu ben hocob macas qahena odiwe. Age kobol majanagaca odogina eu camasac mena eu odiwe macas qaheceb gag camasac mena. Age malaqa saona loldudu cobogina cinigwe. Anut uqa mama helo tuca me qee bahic age euna bilecebil catanigiannu wele saciadon.

2 Pita 2:9

Aria, ceteteh i cunug Tibud odon ec dogina. Eunu age dogina, dana cajaca age Anutna kobolna cobogina eundec temadec ageca calecebfi Tibud uqa temadec eunadec cahahaadecnu dona. Odocob Tibud uqa silail dana agena me qee odoc wele don. Odimei uqa agena ameg me qee wadacadec cofdudu li agena gesiladecnu deel gadacna caligiannu dona.