2 Korin 1:4 - Bal cehec je haun

⁴ Uqa culumen cunug egeca calena euna wahohoggena. Eunu ege leih age culumen filfilna bilegina eu wahohogadecnu ihoc eu odiwe Anut wahohoggena.

2 Korin 1:4 Referans Kwoze

1 Tesalonika 5:11

Eunu age dahig hewecebheweceb cesuldocobdocobi bileigale. Age wele odoloig eu odi odoigale.

Hibru 12:12

Eunu age ebenega gagadicca qee gauc caculi tawecebfi gagadic mi suli umeig cabi oiga. Odocob age jaimaga gobca laleg mecebfi age gagadic taweiga.

Me Je i Jon Jaqen 14:18

“Ija age mel bega cinigwe qee tegeladi nuigaun. Ija ageca ceseli hugen.

Me Je i Jon Jaqen 14:16

Odocobil ija Memige Anut inondocomin uqa Tutuanaga Oc oso sulduadigian. Eu uqa ageca bileceb catanigian.

Me Je i Jon Jaqen 14:26

Agena Tutuanaga Oc eu Kis Gun, Memige Anut uqa ija ijanina sulduadigian eu humei uqa ceteteh cunug iwaladigian. Odimei uqa je cunug ija age maadem eu tulidocob dahiniga qolocijigian,” aden.

1 Tesalonika 4:18

Eunu age je euna wahohogdocobdocobi bileigale.

2 Korin 7:13

Odocob qila agena kobol i ege wahohoggeceb wawige lal qu nijia. Odocob ege wawige lal qu nijia eunu himec qee ceeloqona. Age cunug Taitas uqana jaen qoc eu odocobil qee men eunu waug ceelena. Eunu ege Taitasnu ha ceeloqona.

Filipai 1:14

Odocob ija gihacdoc jona biligina eunu wawige meleec cotigeil mati age gagadic odoc umeig agena Tibudnu wawaga meleec eu gagadic tawena. Odocob age cucuiec culimeig Anutna je saluqi u maadecnu gehca gagadic mein.

2 Korin 7:4

Ija age je tutuc maadecnu ihoc dugina. Ija agenu culaigina! Ija wawi me nijia. Culumen i ege ageca gemo calen qa odi fena, ija gehca ceeligina!