1 Timoti 5:19 - Bal cehec je haun

¹⁹ Tamanec cofadec matu eundec deweneganu um qoc je eu dana osol himec madeceb cain dah magaun. Dana lecisca cijedca age uqa cahuldodon fein age cofadecnu madecebil uqanu je togodoigale.

1 Timoti 5:19 Referans Kwoze

Matju 18:16

Euqa uqa hinana je dah mecnu culecebfi ‘je eu tutuc mudec dana lecisfo, cijedfo amagana cabi ocnu’ (Loo 19.15) hina dana osolfo, lecisfo cedalecem age osoben li cotin madoigale.

2 Korin 13:1

Qila ija ageca li feciadi cijeddugen odigina. Anutna jaqec je odi madena: “Dana lecisfo, cijedfo age dana oso cahuldocob fein eunu je osol madecebilfi, cois ege je tutuc mudeqan,” ena. (Loo 19.15)

Taitas 1:6

Tamanec cofadec matu uqa cahuldoc osoca qee eu odi biligian. Uqa caja osol gemug himec biligian. Odocob uqana mel mel aidca age wawaga meleecca biluqagan. Age kobol me qee odogina, age anagail memegailca jejenega qee toodu odogina ec um qoc jeca qee nijigian.

Hibru 10:28

Ege doqona, dana oso uqa Mosesna loo je wooldodob dana lecisfo, cijedfo odi fimeig uqana cahuldoc eunu qasali madeginafi dana eunu qee waloc adena. Odocob age dana eu qocobil cal mena.

Aposel 25:16

Euqa ija Rom agena kobol eu odi qee ec maadem. Ege dana oso uqa dewegnu balijecebil uqa age ebenegana deweg tudocnu mahuc qee moqaun. Euqa casac dana uqa um qudec dana eu age uqaca mecidodii um qudec je eunu madocobil uqa uqadodoc cahahadoc je maadigian.

Me Je i Jon Jaqen 8:17

Agena loo jena je oso nijia eu odi, dana lecis ale dana oso gesiladec jona tawena uqana odocnu je wawala osol qasali madecebilfi alena je qasali madesina eu meleec taweia en.

Aposel 11:30

Odi odimeig age meen qaig Banabas Solca alecebil ehi nui Judia hatu ono tamanec matu adesin.

Me Je i Jon Jaqen 18:29

Eunu Pailat uqadodoc maha gumu cali numei sisiladi maaden, “Age dana i dewegnu adi um qogina eu madeiga duga,” aden.

1 Timoti 4:14

Cabi ocnu duman oso Kis Gun ihen eu cain alal heiaun. Je hahun madec dana age madecebil tamanec uqana matu age ebenega ilomna mecebil hina duman oso eu om.

1 Timoti 5:17

Anutna jaqec je oso edi madena: “Age bulmakau uqa wit ceteteh lahacdocnu cabi ona eu uqa biah cain cufa qowain,” ena. (Loo 25.4) Odocob Anutna jaqec je osoha madena: “Cabi dana oso uqana cabi ameg ocnu ihoc ugian,” ena. (Luk 10.7) Eunu tamanec cofadec matu age cabinu megameg mi cuhadogina eundec age lalan mamadi cabi ameg me adeigale. Me je madi fec, iwaladi fec eundec bahic ijanaga ohis madeigale.