1 Timoti 3:1 - Bal cehec je haun

¹ Je i eu je mele, dana oso uqa tamanec cofadec matu bilec cabi eu ugen ec gale donafi eu uqa cabi binanca bahic gale dona.

1 Timoti 3:1 Referans Kwoze

Taitas 1:7

Ge, tamanec cofadec matu eu Anutna cabi cofdona. Eunu uqa cahuldoc osoca qee odi biligian. Uqa cain deboeiaun, uqa mahucwe gemag cain beiaun, uqa ceu jeceb dalul cain qoiaun, uqa olohon cain beiaun, uqa meen qaig ocnu himec cain cisdoiaun.

Aposel 20:28

Agedodocnuca, Kis Gun uqa tamanec age ebenegana men eunuca cofdu cuhadoiga. Tamanec eu Tibud uqa Melah uqadodoc golacna ehaden eunu cofadi cuhadoigale.

1 Pita 5:2

Age Anutna dana cajaca cofadi cuhadoigale, age age ebenegana sipsipwe bilegina. Age meen qaig ocnu dih cabi i cain owain. Odocob age cabi i oqagannu dana leih agena gale adecna toodumeig cain odowain. Euqa age Anutna cisdoc toodu cabi i oqagannu gale adeiale. Age cabi i ocnu megameg mimeig cabi u cuhadoigale.

1 Timoti 1:15

Krais Jisas ege silail dana cajaca cahahagecnu maha ina toni nen ec madec eu mele bahic. Je madec eu dana cajaca cunug dumeig wawaga meleigiannu ihoc nijia. Ijaha silail dana, ija silail dana cunug wooladec.

1 Pita 2:25

Age wele sipsipwe agena jic culein. Qilaqa age sipsip ceseli agena cofadecca hoginawe age dana uqa age cofadena. Uqa age dolonoga cofdona, age uqaca ceseli hoin.

Hibru 12:15

Age cofdu cuhadoiga. Qee fifi dana cotoga oso culdecebil toni qocob Anutna eelgec uum igec eu culiaunnu. Qee fifi dana cotoga oso culdecebil age gemona aig gulihinca gisinawe caleiaunnu, odimei gulihin aadi Anut amegna gegehinca madeiaunnu.

2 Timoti 2:11

Je madoqona eu mele nijia: “Anut uqadodoc uqana gugnu qee sasac qocwe qee. Gug eunu ege uqaca cal momfi eunu egeha uqaca cebac bileqan. Ege culumen gahidudu biluqunafi eunu egeha isi uqaca king bileqan. Ege uqanu qee sasac qoqonafi eunu uqaha egenu qee sasac qugian. Ege egena cagoc je culuqunafi uqaqa uqana cagoc je qee culiaun,” oqona.

1 Timoti 4:9

Je i mele bahic, odocob dana cunug je i dumeig wawaga meleigiannu ihoc nijia.

Filipai 1:1

Ele Pol Timotica, ele Krais Jisasna cabi dana. Ele Anutna qagoc dana cajaca age Krais Jisasca gabanadecca, tamanec cofadecca cesuladecca ono Filipai bilegina eu jaqiadowona.

Me Je i Luk Jaqen 15:10

Ija maadigina, eu odiwe Anutna ensel age silail dana osol uqana silailnu tului falicdonanu agena gemona ceelec ben calena,” aden.

Taitas 3:8

Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.

Efesas 4:12

Uqa Anutna dana cajaca qagoc age Anutna cabi ocnu saciaadugia bili eu odi odon. Odocob uqa tamanec, eu Krais deweg, ceheceb gagadic tawigiannu odi odon.

Aposel 1:20

“Ge, Buk Songna je oso age jaqein eu odi madena: ‘Uqana bilec gauc nijiale. Dana oso euna qee biliaun,’ ena. (Buk Song 69.25) Odocob je oso ha edi madena: ‘Uqana cabi cudun eu oso oiale,’ ena,” aden. (Buk Song 109.8)

1 Pita 4:15

Euqa gadgad age gemona dana oso uqa dana qagadocob cal menafo, oso heje onafo, oso cahuldonafo, oso dana leih agena cetehnu gugca mecieei cobonafo eunu ameg umei sogoeiaunnu.

1 Tesalonika 5:14

Ege wawige meleec cotigeil, ege cesusaadi maadoqona, cotogail age alal adena eundec tutuc maadeigale, cotogail wawaga cucuiena eundec wawaga gagadic mudiadeigale, cotogail gagadicca qee eundec cesuladeigale. Cotogail cunugnu lalafan adeigale.

Pol Uqa Jaqec Je Oso Rom Tamanec Jaqiaden 11:13

Euqa ija qila Juda dana qee eundec age je maadigina. Ija Anutna aposel Juda dana qee eundec age gemo cabi ocnu Anut gesilten. Ija ijana Juda sihul eu age amaga qocomin Anut age leih cahahaadigiannu ijana cabi oc sulecemin ohis tena.