1 Timoti 1:17 - Bal cehec je haun

¹⁷ King saensaen cunug cal mecwe qee, eu uqa fecwe qee, uqadih Anut bilia eu binan sulocomun cataneiale, uqa kobolkobolca bileceb cataneiale! Mele.

1 Timoti 1:17 Referans Kwoze

Jud Uqa Jaqec Je Oso Anutna Dana Cajaca Jaqiaden 1:25

Anut osol i dih bilina, uqa ege Jisas Krais umna cahahagen. Jisas Krais uqa egena Tibud, ege uqa binan suluqale. Uqa king ben bahic bilina, uqa gagadic odocca, uqa ceteteh cunug agena ilo bilina. Wele bahic saen cunugna uqa odi bilen, odocob qilaha uqa bilina, odocob hibna saen cunugna eu odi bileceb cataneiale! Mele.

Jahunec Je Camasac Muden 19:1

Eu hedocob ija dana cajaca am ben bahic sao jobonna bilegina jejenega benwe dah mimigin age madein: “Ege Anut binan suluquna! Egena Anut uqa cahahagena! Uqa kobolkobolca bahic! Uqa gagadic odocca bahic!

Jahunec Je Camasac Muden 17:14

Age Sipsip Nagca cadoqagan qa Sipsip Nagca uqana toodu coboc danaca eu age cacadi wooladoqagan. Sipsip Nag uqana toodu coboc dana eu Anut uqa utaadeceb uqaca hoin, Anut uqa dana cajaca eu nesili cedaden, age uqa gaid toodu cobogina. Sipsip Nag eu uqa tibud cunug agena Tibud, uqa king cunug agena King. Eunu uqa han wooladigian,” ten.

Kolosi 1:15

Ege Anut fecwe qee euqa Anut Melah ege fecnu ihoc qa uqa Anut. Uqa ceteteh cunug Anut ifanen eu agena matu bilia.

Jahunec Je Camasac Muden 19:16

Uqana lotoc cecelacnaca uqa tucuhnaca ijan jaqec eu: “king cunug agena king, tibud cunug agena tibud,” en.

Pol Uqa Jaqec Je Oso Rom Tamanec Jaqiaden 1:23

Odimeig age Anut bileceb catanenana binan sulegina eu hibemdoin. Odimeig age wadacdumeig dana cal menana kadan tibud hahunuga oin, odocob man fululec hahunuga oin, odocob dool hahunuga oin, odocob man sononec hahunuga oin, ceteteh eu binanaga sulein.

Jahunec Je Camasac Muden 19:6

Odocob ija dana cajaca am ben bahic jejenega cinigwe dah mem, eu wa mati busali buhohdonawe, qeli ben qonawe odi dah mem. Age odi mamadegin dah mem: “Tibud, egena Anut gagadic odocca eu uqa king bilina! Eunu ege Anut binan suluquna!

1 Jon 4:12

Oso uqa Anut qee fel. Ege cotigeilnu nalunuga moqonafi Anut uqa ege dunuh bilina, odocob uqana nalug mec eu egeca gagadic ihoc bilina.

Me Je i Jon Jaqen 1:18

Dana oso Anut qee fel. Anut Melah osol, eu uqaha Anut, uqa Memige Anut wowogonu bilina, uqa Anutnu mageceb dom.

Matju 6:13

Hina ege temgecna cain ehi li migigaun. Euqa qisol mec kobol eu cagasigagale,’ doigale,” aden.

Jahunec Je Camasac Muden 15:3

Age Moses, uqa Anutna cewel oc dana, uqana due silein. Age Sipsip Nagna dueha silein: “O Anut Tibud Gagadic Odocca, hinana odoc eu gagadic, eu me bahic! O dana hatu filfilnadec cunug agena King, hinana odoc eu tutuc bahic, eu mele bahic!

Jahunec Je Camasac Muden 7:12

Age odi madein: “Mele bahic! Ege egena Anut uqa kobolkobolca, doc silecca, binanca, gagadic odocca, hihibanca eunu ege gaid eeldocomun catanena, ege hegaga ec gaid madocomun catanena! Mele bahic!” ein.

2 Pita 3:18

Euqa Jisas Krais uqa egena Tibud, uqa egena Cahahagec uqa eelgec uum igec eu age aden. Odocob age uqanu du cuhadogina. Eunu age eeladec uum adecca uqanu docca cesuladeceb ben mimeig duuec taweigale. Uqa qilaca saensaen cunugca kobolkobolca bileceb cataneiale. Mele.

1 Pita 5:11

Anut uqa gagadic odoc euca gaidgaid biliale! Mele.

Hibru 11:27

Moses uqa Anutnu waug meleecebnu uqa Isip hatu culen. Uqa king eu gemag becnu qee cucuiel. Dana oso uqa Anut amegna fecwe qee qa Moses uqa Anut fecnu uqa gagadic men.

Pol Uqa Jaqec Je Oso Rom Tamanec Jaqiaden 16:27

Anut eu uqa osol himec uqa docca bahic. Uqa ceteh cunug Jisas Krais umna odon eunu ege binan sulocomun cataneiale! Mele!

Pol Uqa Jaqec Je Oso Rom Tamanec Jaqiaden 11:36

Qee bahic! Anut uqa ceteh cunug ifanen. Eunu ceteh cunug bilegina. Odocob ceteh cunug eu Anutnu himec bilegina. Ege uqa binan sulocomun cataneiale! Mele!

Pol Uqa Jaqec Je Oso Rom Tamanec Jaqiaden 2:7

Leih age kobol me eu gagadic hewegina oodoig kobolkobolca ijanaga benca biluqagannuca cebac bilec qee mecwe qee eu megegina. Dana eu agenu Anut uqa cebac bilec gaid bileceb catanigian eu adigian.

Pol Uqa Jaqec Je Oso Rom Tamanec Jaqiaden 1:20

Wele bahic Anut uqa ceteteh cunug ifanen saen eunadec hocob qila dana age uqa ceteteh ifanen eu fegina. Ifan euna age Anutna jahunec kobol leih dana age docwe qee ec docnu ihoc. Eu Anutna ifan gug bahic odi fegina. Uqa uqana gagadic odoc odi bileceb catanena, uqa Anut bilia eu age docnu ihoc. Odinu dana eundec age agena cahuldoc jajahuni madi ija Anut qee hibemdolom, ija Anutnu qee dugina ecebilfi agena je eu cesuladecnu ihoc qee.

Matju 28:20

Age je ija maadolig eu cunug age adem cunug iwaladecebil toodu odoqagannu maadeiga. Dogina, ija dudu age gami deel cunugna biluquna qila ina leceb mahamaha bilec saen deel euna qee migian,” aden.

Matju 25:34

King uqa odi odadimei dana cajaca ititom age eben meulana isec tawegina eundec maadigian, ‘Age ija wen teten bibiligin sab itein. Ija wa gab teten bibiligin wa itein. Ija jag bibiligin ehiti bilec cudun itein. Ija bical bibiligin age lotoc taqitein. Ija hagca bibiligin age hu soatein. Ija gihacdoc jona bibiligin age hu mecitein. Eunu Mei eeladen age hoiga, Anut uqa maha gug men saen euna uqana cul agenu saciadon eu mugumuga men qila nijia eu oiga,’ adigian,” aden.

Me Je i Jon Jaqen 5:44

Age dana filfil age binanaga sulegina qa binanaga caunca osol Anutnadec ageca hocnu nijia eu ocnu wawaga qee hoolena. Euna adi wawaga meleec ihoc ligian?” aden.

Pol Uqa Jaqec Je Oso Rom Tamanec Jaqiaden 2:10

Euqa dana cunug age kobol me odogina eu Anut uqa kobolkobolca binan benca wawaga malol bilecca eu adigian. Juda dana eu age casac adeceb Juda dana qee eundec ageha adigian.

Hibru 2:7

Hina ege saen nag odi himec ensel bisalu migem. Hina ege binanigeca king bilecca migem.