1 Pita 4:2 - Bal cehec je haun

² Ge, gug eunu qila saen ina maha ina bilecnu age dewenegana bibileig age dana agena gale adec me qee dana odogina eundecna cain biluwain. Age Anut gale docna bileigale.

1 Pita 4:2 Referans Kwoze

1 Pita 1:14

Age mel sim je toodu odoginawe odi odoigale. Wele age docca qee, odocob age wawaga cajecna kobol toodu odoloig. Qila age kobol eundec haun toodu odocnu cain cisdowain.

Efesas 6:6

Age cofaadebil age qauaadi amagana himec cabi me ogina eu age cabi me ogina ec madecnu odi cain odowain. Euqa age Kraisna cabi dana eu odi cabi oiga, age Anutna gale doc toodocnu wawaga ceeleiale.

Pol Uqa Jaqec Je Oso Rom Tamanec Jaqiaden 6:11

Eunu ageha agedodoc wele cal mein, odocob silailna gagadic odoc cain cilehadecdainnu odi cisdoigale. Odocob age Krais Jisasca gabandumeig Anutnu cebac bilegina ec cisdoigale.

2 Korin 5:15

Odocob dana cebac bilegina age agedodoc cebac qee biluwainnu Krais uqa hehuladi cal men. Euqa age Kraisnu cebac biluqagannu uqa cal meceb Anut uqa tulidocob ceseli cajen.

Efesas 2:3

Eu mele, ege cunug wele dana cajaca eundec gemo bilolob, odocob ege dewenigena gale gec me qee eu toodolob. Ege dewenigenaca egena cisdocnaca gale gec me qee eu toodu odolob. Eunu ege Anut ameg me qee wadacgec ocnu ihoc bilolob. Ameg me qee wadacadec eu Anut saciadon nijia, uqa dana cajaca cunug uqana je tefacdogina eu wadacadigiannu nijia.

Pol Uqa Jaqec Je Oso Rom Tamanec Jaqiaden 6:2

Qee bahic! Ege cal mecwe mimeb silail kobol eu wele culom. Odocob eu adi ege silail kobolna gaid biluquna?

Efesas 4:17

Aria, ija Tibud ijanna je i ulauladigina, age haiden dana agena kobolna cain cobowain. Haiden age wawaga eu tahac qon. Eunu agena cisdoc eu ceteh gauc, agena cisdoc eu tuca. Eunu age Anutnu docca qee bilegina, odocob age Anut cebac bilec igina euna qee bilegina.

Pol Uqa Jaqec Je Oso Rom Tamanec Jaqiaden 14:7

Ege doqona, ege gemona dana oso uqana cebac bilecnu qee cisdona eu uqadodoc uqana ceteh himec. Odocob oso uqa uqana cal mecnu qee cisdona eu uqadodoc uqana ceteh himec.

1 Pita 2:1

Age haun wasein, eunu age kobol me qeeca qauadec kobolca cunug culeiga. Age me hihi leeig me qee odocnu cain odowain. Age osona ceteh ocnu cain cisdowain. Age oso hibilemega je me qee cain madowain.

Me Je i Jon Jaqen 7:17

Oso uqa Anut madena eu ija toodu odigen ena eu uqa ija madigina eu Anutnadecfo, qee ijanadec eu cel gugnu du cuhadugian.

Me Je i Mak Jaqen 7:21

Ge, dana waug dunuhnadec ceteh gegehinca cali hona eu odi, cisdoc me qeeca, wal kobol odocca, heje occa, dana qocca, dana osona caja occa,

Me Je i Mak Jaqen 3:35

Oso uqa Anut co toodu odona eu uqa ija walica, ija cebinamica, ija auca,” aden.

1 Jon 2:17

Odocob mahaca, uqana ceteteh cunug dana eunu gale adenaca qee mena. Euqa oso uqa Anutna cisdoc toodu odona eu cebac bileceb catanena.

Jems 1:18

Qeeo. Uqa uqadodoc uqana cisdocna gale doc eu toodumei basigen, uqa uqana mele je euna basigen. Ceteteh cunug Anut ifanen euna ege sab magah age casac cabinadec umeig Anutnu ihanegina eu odiwe uqana mel matu bileqannu maden.

1 Tesalonika 5:18

Age adiadi oodadeb biluqagaqa age Anut hetaga dudueigale. Age Jisas Kraisca gabanadec bilegina eu odi odoqagannu Anut madena.

Kolosi 1:9

Gug inu ele deel hahawannadec agena kobol menu dah moh eu gaid li Anut agenu inondocnu qee culoloh. Ele Anut agenu odi inondowona, Anut uqa uqana cisdoc age wawagana meceb du cuhadoqagannuca, Anut uqana Kis uqaha Anutna cisdoc silec fogo adecca eu cunug adecnuca ec inondowona.

Efesas 5:17

Eunu age cain gad mowain qa Tibud uqa age adi odocnu gale dona eu wali feiga.

Pol Uqa Jaqec Je Oso Rom Tamanec Jaqiaden 12:2

Odocob age dana mahanadec cobogina odi cain tooadi cobowain. Euqa age Anut culdecebil agena cisdoc isindocob agena coboc haun ibuldugian. Odocob age Anut eeta gale dona eu doqagan. Euha cel ceteh eu me, eeta odocomun Anut egenu waug nijigian euha doqagan. Cel kobol eu ihoc bahic ege odocnu euha doqagan.

Pol Uqa Jaqec Je Oso Rom Tamanec Jaqiaden 7:4

Eu odiwe cotiel, age dana oso uqa cal mecnadec ceseli cajen eu ebenna lein, eu ege Anutna kobol me bahic toodu odoqannu age wele Krais deweg ganacca gabandocobil cal mein. Eundec age loo je bisalu qee bilegina.

Me Je i Jon Jaqen 1:13

Age Anutna mel cali hoin eu dana gale adecnafo, age dewenega gale docnafo anagail memegail golanagana qee basadelein euqa Anut uqadih odocna cali hoin.

Matju 21:31

Jisas odi maadimei sisiladi maaden, “Mel lecis i in memeg maden eu toodu odon?” aden. Odocob madoin, “Mel matu,” doin. Odocobil Jisas maaden, “Jon uqa ageca hu age jic tutuc cobocnu ihacaden, odocob age uqana jenu wawaga mele qee el. Euqa takis cedec danaca caja silailca eundec age uqana jenu wawaga meleen. Age ceteh eu fein qa age hibna eunu tului qee falicdoloin, age Jonnu wawaga mele qee el. Eunu ija mele maadigina, takis cedec danaca caja silailnu ijanagaca eundec age aquniaadi Anutna culna legina,” aden.

Matju 7:21

“Dana cajaca age ija ‘Tibud, Tibud,’ tegina eu cunug sao cul jobon dunuh qee lowain. Euqa Mei sao jobon bilia eu madena eu toodu odogina age himec loqagan.

Kolosi 4:12

Epafras uqaha age cabi cotoga oso, uqa Krais Jisasna cabi dana, uqa feele adec sulduadena. Uqa gaid Anut age cesuladecnu uqana inondocna cabi gagadic ona. Uqa Anut cesuladeceb age wawaga meleec dana bahic tawoqagannu, odocob age Anutna gale doc cunug du cuhadoqagannu inondona.

Kolosi 3:3

Ge, age cal mein, odocob agena cebac bilec eu Kraisca gami Anut dunuhna jahunec nijia.

Matju 20:4

maaden, ‘Ageha ijana wain cabina belimeig cabi oigale, ija agena cabi oc ameg ihoc adigen,’ aden. Odocob age cabi ocnu belimeig cabi oin.