1 Pita 2:6 - Bal cehec je haun

⁶ Ge, Anutna jaqec je odi madena: “Feiga, ija meen oso eu noh gug cudunna cehigennu nesili ehudem. Meen eu me bahic, eu qaigna fajecnu ameg ben bahic. Ija meen eu Saion Aluhna mudigen. Dana oso uqa uqanu waug meleigia eu uqa majag qee doiaun,” ena. (Aisaia 28.16)

1 Pita 2:6 Referans Kwoze

1 Pita 2:4

Tibud uqa meen oso cebac bilecca cinigwe. Dana age uqa fimeig eu me qee ec cisdumeig uqa hibemdoin. Euqa Anut uqa wele nesili ehudimei uqa me ec cisdon. Eunu age Tibudca hoigale.

Efesas 2:20

Age Anut jo cehenwe odi. Uqa ege aposelca je hahun madec danaca jo i uqana nah cehen. Odocob Krais Jisas uqadodoc uqa jo i uqana nah man nohinoh bahic!

Me Je i Mak Jaqen 12:10

“Jaqec je oso Anutna je jaqec tawena eu qee sanijeleinfo? Je eu odi madena: ‘Meen oso meen gel cehec memei dana age culein eu qila meen jo big gug jo hehdocnu calen.

2 Timoti 3:16

Me je jaqec cunug Anutna Kis uqadodoc dana iwaladeceb jaqein. Odimei dana uqa Anut cewel utona eu cabinu iwaldoc biligiannu, uqa cabi me cunug odocnu saciadoc biligiannu me je jaqec cunug eu iwaladecnuca, tutuc madecnuca, ulauladecnuca, ititom cobocnu dado madecnuca ihoc nijia.

Me Je i Jon Jaqen 7:38

Eu odi Anutna jaqec je madenawe, ‘Oso uqa waugnadec cebac bilec wa eu nigian,’ enawe oso ijanu waug meleena eu uqa odi odigian,” aden.

Me Je i Luk Jaqen 23:35

Odimei dana cajaca ono tawein mecieegin Juda dana agena ilo eu age Jisasnu lelanec je mamadiein, “Uqa leih cahahaaden. Uqa Anutna Kraisfi uqa uqadodoc cahahadoia!” ein.

Matju 12:18

“Dana i ijana cabi dana. Ija uqa nesili ehudem. Ija nalug migina. Ija wawi uqanu gale ben dona. Ija ijana Kis uqa mitugen. Uqa Juda dana caja qee eundec ititom kobolnu je qasali maadigian.

2 Pita 3:16

Uqa uqana jaqec je cunugna ceteteh inu gaid madena. Uqana jaqec jena ceteh leih eu docnu cabi bahic, eu dana docca qee age wawaga gagadicca qee tawegina eu age Polna jaqec je sildi cahuldogina, eu odiwe age Anutna jaqec je leihha sildi cahuldogina. Age odi odoginanu agedodoc fadaloqagannu euca hogina.

2 Pita 1:20

Euqa age ceteh matu inu casac docnu doiga. Je hahun madec dana oso uqa dana agena gale adecna je hahun qee madel. Euqa Kis Gun uqa dana tuliadeceb age je Anut aden eu madein. Je hahun madec dana agena je eu Anutna jaqec je nijia. Euqa ege dana egena cisdoc himec toodumeb je eu uqana gug sildiadecnu ihoc qee.

Efesas 1:4

Anut maha qee ifanec ninijen uqa ege uqana bilitoqannu Kraisca gabandoc bilec euna wele nesili ehigen. Uqa ege gun bilecnuca, cahuldocca qee uqa amegna bileqannu nesili ehigen. Anut uqa nalunige menanu

Aposel 1:16

Uqa maaden, “O cotiel, je oso eu Anutna jaqec je weledecna nijia. Wele bahic Kis Gun odocob Dewid uqa je oso Judasnu maden. Judas uqa Jisasna cad jic dado madimei uqa age ebenegana Jisas mudigian eunu je maden. Odocob je i wele aig qon.

Jenesis 49:24

Qa Jekobna Anut Gagadic Odocca eu uqa gagadic odoc utina. Anut eu uqa Isrel agena cofadec, uqa Isrelna gagadic odoc. Eunu uqana qali eu iilalecca qee tawena. Odocob uqa uwen eu gagadicca.

Me Je i Luk Jaqen 20:17

Odocob Jisas meciadimei sisiladen, “Eu odi calecwe qeefi cel oso eu Anutna jaqec je i gug bahic sildina? ‘Meen oso meen gel cehec memei dana culein eu qila meen jo big gug jo hehdocnu calen.’ (Buk Song 118.22)

1 Pita 2:8

Odocob “Meen eu dana cajaca agena jicna caleceb age qeti aqeceb toni aqigian,” ec Anutna jaqec je oso madena. (Aisaia 8.14) Age Anutna je tefacdogina eunu meen eu age jaimaga qeti qocob age toni aqena. Age eu odi odoqagan ec Anut uqana cisdoc wele toodumei je maden.