1 Korin 3:8 - Bal cehec je haun

^8-9 Ele dana Anutna cabi hihijag, ele Anutnu osobenca cabi owona. Odocob Anutna cabi eu age. Eunu dana sab aig cehenaca, dana wa bilisadonaca eu ale ihocihoc. Odocob ale filfil cabi osin eu odi ameg owasan. Odocob Anutna jo eu ageha.

1 Korin 3:8 Referans Kwoze

Pol Uqa Jaqec Je Oso Rom Tamanec Jaqiaden 2:6

Anut uqa “dana cunug agena odocnana gesiladimei ameg wadacadigian,” en. (Buk Song 62.12; Sindaun 24.12)

2 Jon 1:8

Agedodocnu cofdoigale. Gadgad age ceteh ocnu cabi gagadic oin eu culuwainnu qa age ameg me bahic eu am bec oigale.

Jahunec Je Camasac Muden 22:12

Odocob Jisas maden, “Faga! Ija mahuc odi hugen! Ija ijana ameg adec ahugen, eu ija cunug agena odocna odi abesabes adigen.

1 Korin 15:58

Eunu ija cotiel, ija agenu nalunuga migina. Age gagadic mimi duuec taweigale. Age Tibudna cabi ocobil hunawigiannu. Ge, age dogina, Tibud ageca bibileb cabi ocna uenega gauc qee seildowain, cabi ihoc ligian.

1 Pita 5:4

Age odi odocobilfi sipsip cofadec meca uqa camasac caleceb saen euna age king katakat gagadic odoc fulacdocca dana cajaca ititom oqagan eu ageha oqagan. King katakat eu ameg me bahic, eu qee qee meiaun.

Hibru 6:10

Ge, Anut uqa dana me qee qee, eunu uqa age cabi cunug oin eunu qee dahig celeiaun. Qee bahic. Eu odiha age dana cajaca qagoc cesuladein euna age Anutnu nalug megina eu ihacadein. Odocob age qila odi odogina.

Galesia 6:4

Euqa age abesabes agedodocnu odoc mefo, me qeefo eu gesili feigale. Eunu oso odi odona eu uqa uqana odoc eu me bahicfi uqa eunu dih culaigian, odocob uqa uqana odoc eu dana osona odoc wooldocnufo, qeefo ec figian eu odi qee nijel.

1 Korin 3:14

Dana oso uqa big gug eu tatacanna jo cehen eu uqana cabi tawecebfi dana eu uqa ameg ugian.

Jahunec Je Camasac Muden 2:23

Uqana mel aqecemin cal moqagan. Ija dana cunug culunuga wawagaca temdu figina eu tamanec cunug odadecemin foqagan. Ija age eundec age osolosol agena odoc nijiawe ihoc adigen,” hena.

1 Korin 3:7

Eunu dana sab aig cehenca, dana wa bilisadonca eu ale ijanalaca qee. Euqa Anut uqa odocob sab wasena eunu uqa dih ijanca.

1 Korin 9:7

Cel dana uqa han cadec cabi umei uqadodoc uqana sab walena? Cel dana uqa wain cabina na wain cehena eu uqadodoc uqana cabinadec wain aig qee jena? Cel dana uqa sipsip cofadena eu uqadodoc agena su qee jena?

Galesia 6:5

Ge, age abesabes agena culumen adec gahidocnu nijigian.

Me Je i Luk Jaqen 19:19

Odocob eu uqa madon, ‘Hina taun ben 5-pela cunugca cofdogan,’ don.