1 Korin 15:5 - Bal cehec je haun

⁵ Odimei uqa Pita amegna camasac men. Odimei hibna uqana malogom 12-pela amagana camasac men.

1 Korin 15:5 Referans Kwoze

Me Je i Mak Jaqen 16:14

Eu cunug hedocob Jisas uqana malogom 11-pela age sab jejegin uqa ageca camas men. Odimei age dana cajaca uqa ceseli cajeceb fimeig maadecebil age agena jenu wawaga qee meleelnu uqa age wawaga qee meleeceb wawaga tool ibuldonnu galac maden.

1 Korin 1:12

Ija age qatanadec bilec age gemona nijia eunu maadigina uqana gug eu odi. Age oso madena, “Ija Pol toodugina,” ena. Odocob oso madena, “Ija Apolos toodugina,” ena. Odocob oso madena, “Ija Pita toodugina,” ena. Odocob oso madena, “Ija Krais toodugina,” ena.

Me Je i Jon Jaqen 1:42

Odimei uqa ehudeceb Jisasca hosin. Odocobil Jisas uqa Pita mecidudu madon, “Hina ijain Saimon, Jon melah. Hibna age Kifas hoqagan,” don. (“Kifas” eu Aram jena. Age Grik jena falicdocobilfi eu “Pita.”)

1 Korin 9:5

Aposel leihca, Tibud waliagulca, Pitaca age osolosol waug meleec caja oin. Age aidagail age gami jic cobocna belegina. Ija ijana jic cobocna waug meleec caja oso ocomin nuecnu eu odi aposel eundec odoginawe eu cois qeefo?

Aposel 10:41

Uqa dana cunugnu qee camasac mel qa dana leih himec amagana camasac men. Ege Anut uqana odoc fecnu nesili cedigen, ege uqa cal mecnadec ceseli cajeceb uqa gami wa gab sabca jom ege eundec himec amigena camasac men.