1 Korin 15:1 - Bal cehec je haun

¹ Ija cotiel, qila ija agena cisdoc tulidocomin age me je ija wele qasali maadem eunu haun cisdoqagannu gale tena. Age me je eu oin euna tawegina.

1 Korin 15:1 Referans Kwoze

1 Pita 5:12

Sailas ebenna ija je gohic i jaqiadigina. Uqa ege wawige meleec cotige bahic ec cisdugina. Jaqec je ina ija kobol i Anut uqa dana cajaca cunug odadena eu uqana uum igec bahic ec cesusaadi maadigina. Anutna eelgec uum igec i mele bahic ec maadigina, age euna gagadicca taweigale.

1 Tesalonika 1:6

Odocob age geh sogoein age me je eu ceelecca Kis Gunnadec hocob oin. Eunu age egeca Tibudca toogi coboc dana ibuldoin.

2 Korin 1:24

Ege agena wawaga meleec euna ilo biluquna ec qee madoqona. Age agena wawaga meleecna gagadic tawegina. Eunu age ceeloqagannu ege ageca osoben cabi oqona.

2 Tesalonika 3:6

Ege wawige meleec cotigeil, egena Tibud Jisas Krais ijanna ege je gatiti maadoqona. Age wawaga meleec cotoga oso uqa kobol me odocnu dado mudec je age egenadec oin eu cuculi qee toodu odona, uqa alal dona, cabi qee ona. Cotoga eu qisacdoiga.

1 Tesalonika 4:1

O wawige meleec cotigeil, age Tibudca gabanadec bilegina eunu ege niniadoqona. Ege adiadi cobocomun, Anut uqa egena odoc fimei gale dugian, eu ege dado madocomun doin. Age jic tutuc odi cobogina eu mele. Euqa age jic tutuc coboc haunhaun odoigale eu odiwe age qila odogina.

1 Tesalonika 2:13

Ege ceteh osonuha gaid Anut hegaga dudu inondoqonanu. Uqana gug eu odi. Ege Anutna me je maadocomun dah mein saen euna age je dananadec himec qee oloin qa age mele je eu Anutnadec oin. Odocob je eu uqa age wawaga meleec dana cajaca eundec wawaga dunuhna cabi gagadic ona.

Pol Uqa Jaqec Je Oso Rom Tamanec Jaqiaden 2:16

Eunu ija me je madigina euna deel osona hibna Anut uqa Jisas Krais umna dana cunug agena cisdoc jahunec nijina eu gesiladigian.

Aposel 11:1

Aposel wawaga meleec cotogailca age cunug Judia hatu ono ilag bilegina age Juda dana cajaca qee ageha Anutna me je wele oin ec doin.

Me Je i Jon Jaqen 12:48

Ija ijadodoc ijanu qee madelem qa Memige Anut uqa sulten eu uqa ija cel je madigennu gatiti maten. Memige Anutna je eu, dana age eunu wawaga meleena eu uqa cebac bilec catanec adena eu ija dugina. Je ija madigina eu Memige ija madigennu gatiti maten eu odi madigina. Eunu oso ija hibemtimei ijana je qee hewi daugdona eu oso uqa gesildugiannu nijia. Je ija madem eu cit qoc deelna uqa gesildugian,” aden.

1 Korin 3:6

Ija sab aig cehem. Apolos uqa wa bilisadon. Euqa Anut uqa odocob sab wasen.

Pol Uqa Jaqec Je Oso Rom Tamanec Jaqiaden 5:2

Ege Jisas Kraisnu wawige meleennu uqa Anutna eelgec uum igecna ehigi ahon. Odocob ege Anutna eelgec uum igec euna qila biluquna. Odocob ege Anutna kobolkobol oqannu wawige meleeceb susumudi biluquna eunu ege culaoqona.

Aposel 2:41

Odocob geh bahic uqana jenu wawaga meleeceb wa joc oin eu 3,000 odi casacdecca gabandoin.

Pol Uqa Jaqec Je Oso Rom Tamanec Jaqiaden 11:20

Eu mele qa age wawaga mele qee el eunu qahaden. Euqa age wawaga meleena euna gagadic taweiga. Anut uqa na oliw batac bahic eu qee culadel. Eu odiwe uqa ageha qee culadeiaun. Eunu age cain fileowain. Age cois cumuneiga.

1 Korin 16:13

Age mecii cuhadumeig wawaga meleecnu gagadic taweigale. Age dana bahic taweiga. Odimeig duuec taweiga.