1 Korin 1:4 - Bal cehec je haun

^4-9 Age Kraisca gabandoc euna uqa je madec cunugca doc cunugca eunu osoben cehewanagaca maden. Uqa age ceteh cunugnu cehewanagaca maden. Odocob Kraisnu je eu age wawaga dunuh wele gagadic men bilia. Eunu qila age egena Tibud Jisas Krais camasac migiannu susumudi bilegina. Susumudi bibileig age Kis Gun uqana bagol adec eunu oso qee gohic melein. Jisas Krais uqa agena wawaga meleec gagadic mudeceb li qee mec gadacna age egena Tibud Jisas Kraisna deelna age cahuldocca qee tawoqagan. Anut uqa age Melah Jisas Krais egena Tibudca gabandu biluqagannu utaaden. Odocob Anut uqa ceteh odocnu maden uqa odi odigian. Eunu Anut uqa Krais Jisas umna uum aden eunu ija gaid agenu Anut hetaga dugina.

1 Korin 1:4 Referans Kwoze

Pol Uqa Jaqec Je Oso Rom Tamanec Jaqiaden 1:8

Ija je i casac maadigen. Dana cajaca age maha cunugna bilegina, age cunug wawaga meleecca bilegina eunu dogina. Eunu ija agenu Jisas Krais umna ijana Anut hetaga dugina.

Me Je i Jon Jaqen 14:26

Agena Tutuanaga Oc eu Kis Gun, Memige Anut uqa ija ijanina sulduadigian eu humei uqa ceteteh cunug iwaladigian. Odimei uqa je cunug ija age maadem eu tulidocob dahiniga qolocijigian,” aden.

1 Timoti 1:14

Odocob egena Tibud uqana eelgec uum igec ben eu basecdumei wawi meleecca uqanu nalug mecnuca iten eu egena Krais Jisasca gabangec.

Pol Uqa Jaqec Je Oso Rom Tamanec Jaqiaden 6:17

Mele, wele age silail kobolna cabi dana bilein qa hibna age Anutna je gadac dah mimeig age wawaga meleeceb je eu qila tutuc bahic toodogina. Eunu ege Anut hegaga doqale!

Me Je i Jon Jaqen 15:26

“Euqa Tutuanaga Oc ija Memige Anutna gundec sulduadigen eu mele je madecnu Kis eu humei uqa ijana gugnu je qasali maadigian.

Me Je i Jon Jaqen 14:16

Odocobil ija Memige Anut inondocomin uqa Tutuanaga Oc oso sulduadigian. Eu uqa ageca bileceb catanigian.

1 Korin 1:3

Memige Anutca Jisas Krais Tibudca alena eelgec uum igecca malol bilecca adesiale.

Aposel 11:23

Banabas uqa dana me bahic, uqa Kis Gun am bec waug meleec ben bahic. Saen uqa ono li calimei dana cajaca age Anut amegna me bibilegin fimei uqa waug celeboeceb hulunuga cecehi maaden, “Age wawaga culunuga cunugca Tibudnu meleein eunu dahiniga hewegina,” aden. Eunu dana caja geh bahic Tibudnu wawaga meleen.

Me Je i Jon Jaqen 14:14

Age ija ijanina ceteh osonu inontecebilfi eu ija odigen,” aden.

Me Je i Jon Jaqen 10:30

Memige Anut ijaca ele osol,” aden.

Aposel 21:20

Odocob uqa dah mumudegin je madi hedocob Anut binan sulein. Odimeig age Pol madoin, “O cotige, hina dogona, Juda dana mati bahic age wawaga meleen. Odocob age cunug Mosesna loo je toodocnu gagadic megina.

Matju 19:11

Odocobil Jisas maaden, “Dana osooso age caja ocnu duman utec qee nijel age odi anagail basadein. Leih dana baminiga seladecebil age caja ocnu qee nijel. Leih age sao cul jobonnu cabi ocnu himec cisdumeig agedodoc dewenega cilehdumeig caja qee ogina. Oso uqa je eu ocnu ihocfi ugian. Eunu je eu dana cunug ocwe qee. Oso je eu ocnu duman utec nijia eunu dahig fogo dugian,” aden.