1 Korin 1:14 - Bal cehec je haun

^14-15 Dana oso age ija ijanina wa joc adem ec madeiaunnu, ija Krispas Gaiasca dih wa joalem. Euqa ija agenadec oso qee wa joudelem eunu ija Anut hetaga dugina. (

1 Korin 1:14 Referans Kwoze

Aposel 18:8

Krispas uqa Juda agena cuha jo ilo uqaca, uqana jona bileinca Tibudnu wawaga meleen. Odocob dana cajaca mati bahic Korin taun benna bilein age Polna je dah mimeig wawaga meleeceb wa joadec oin.

Pol Uqa Jaqec Je Oso Rom Tamanec Jaqiaden 16:23

Gaias uqa feele ec ageca suldona. Uqa uqana jona me bahic coftena, odimei uqa tamanec cunugha odi cofadena. Erastas uqa taun ben ene uqana kuskus uqaca ege cotige Kwotasca eu ale feele ec ageca suldosina. [Krais Jisas uqana eelgec uum igec ageca biliale. Mele.]

1 Tesalonika 5:18

Age adiadi oodadeb biluqagaqa age Anut hetaga dudueigale. Age Jisas Kraisca gabanadec bilegina eu odi odoqagannu Anut madena.

Kolosi 3:17

Ceteteh cunug age odoginaca je madeginaca eu Jisas Tibud ijanna odoigale. Age odi oodoig age Jisas umna Anut ege Memige hegaga doigale.

Kolosi 3:15

Krais malol bilec igina eu culdecebil age wawaga me cofdoiale. Ge, Anut uqa age malol bilec i umeig age deweg osol bilecnu utaaden. Odocob age Anut gaid hegaga doigale.

Efesas 5:20

Age saen cunugnu ceteteh cunugnu egena Tibud Jisas Krais ijanna Anut Memige gaid hegaga doigale.

2 Korin 2:14

Qilaqa ija Anut hetaga dugina! Ge, Krais uqa na babalecna tibud me qee gagadic odocca agena gagadic odoc cagasi qee mudimei hannu wooladen. Krais hannu wooladen eunu Anut uqa ege uqana gihacdoc dana iwalgigi ehigina. Odocob Anut uqa ege odigeceb Kraisnu me je madocomun dana cajaca cunug Kraisnu dogina. Kraisnu doc eu dedeman tinca cinigwe anaana cunugna nuina.

1 Korin 14:18

Ija beilami filfilna je madecnu kobol eu age cunug wooladigina eunu ija Anut hetaga dugina.

1 Korin 1:4

Age Kraisca gabandoc euna uqa je madec cunugca doc cunugca eunu osoben cehewanagaca maden. Uqa age ceteh cunugnu cehewanagaca maden. Odocob Kraisnu je eu age wawaga dunuh wele gagadic men bilia. Eunu qila age egena Tibud Jisas Krais camasac migiannu susumudi bilegina. Susumudi bibileig age Kis Gun uqana bagol adec eunu oso qee gohic melein. Jisas Krais uqa agena wawaga meleec gagadic mudeceb li qee mec gadacna age egena Tibud Jisas Kraisna deelna age cahuldocca qee tawoqagan. Anut uqa age Melah Jisas Krais egena Tibudca gabandu biluqagannu utaaden. Odocob Anut uqa ceteh odocnu maden uqa odi odigian. Eunu Anut uqa Krais Jisas umna uum aden eunu ija gaid agenu Anut hetaga dugina.

Failimon 1:4

O cotile Failimon, ija hina Anutna dana cajaca qagoc cunugnu nalunuga maganaca, hina Jisas Tibudnu wawin meleenaca eunu dah migina. Eunu ija saen cunug ijana inondocna ija hina ijain umig ijana Anut hetaga dugina.

1 Timoti 1:12

Jisas Krais egena Tibud uqa cabi i ocnu gagadic iten. Uqa ija uqana cabi ihoc ugian imei cabi euna miten. Eunu ija hetaga dugina.

Aposel 10:48

Odocob uqa Jisas Krais ijanna wa joadecnu je gatiti maaden. Odimeig age deel leih uqa gami biluqagannu ninidoin.