1 Jon 5:3 - Bal cehec je haun

^3-4 Ge, Anutna nalug mec eu odi. Ege uqana je gagadic eu toodu odeqan. Odocob Anutna mel ibuldoin eu age mahana gagadic odoc wooldogina. Eunu Anutna je gagadic eu culumen qee igina. Ege Anutnu wawige meleena. Odocob kobol euna ege mahana gagadic odoc wooldoqona.

1 Jon 5:3 Referans Kwoze

Me Je i Jon Jaqen 14:15

Jisas je haun maaden, “Age ija naluni moqagaqa age ijana loo je toodu odoqagan.

Me Je i Jon Jaqen 15:10

Age ijana loo je toodu odoqagaqa age ija agenu nalunuga mec euna biluqagan. Eu odiwe ija Meina loo je toodu odiginanu uqa naluni mec euna biligina.

2 Jon 1:6

Odocob nalug mec eu odi. Ege Anutna je gagadic eu toodu odeqan. Je gagadic eu age hahawan saennadec dah mein eu odi, age nalunuga mec kobol toodoigale.

1 Jon 2:3

Ege Kraisna je gagadic eu toodu odifeb ege Kraisnu du cuhadoqona eu mele.

Pol Uqa Jaqec Je Oso Rom Tamanec Jaqiaden 7:22

Mele, ijana cisdocna Anutna loo jenu gale bahic tena.

Me Je i Jon Jaqen 15:14

Age je ija maadigina eu toodu odoqagaqa age ijana danah biluqagan.

Hibru 8:10

Odocob Tibud tubdu maden, ‘Saen i hedocob ija bal cehec je haun ijaca Isrel sihul ageca gemo eu odi mudigen. Ijana loo je eu cunug agena cisdocna miadigen. Odocob wawaganaha loo je jaqiadigen. Odimig ija agena Anut biligen, odocob age ijana dana cajaca odi biluqagan.

Pol Uqa Jaqec Je Oso Rom Tamanec Jaqiaden 7:12

Eunu ege doqona, loo je eu gun bahic. Je cunug eu loo je jaqecna bilina euha eu gun, eu tutuc, eu me bahic.

Matju 23:4

Age ceteh culumen bahic sogimeig dana gahidoqagannu qatomogana megina. Euqa sogec eu agedodoc nag bahic hewi fecnu culegina.