1 Jon 3:24 - Bal cehec je haun

²⁴ Cunug age Anutna je gagadic eu toodu odogina eu age uqaca gabandoc bilegina. Odocob ege uqa Kis Gun igen eunu uqa egeca gabandoc bilina ec doqona.

1 Jon 3:24 Referans Kwoze

1 Korin 3:16

Anutna cuha jo eu age, odocob Anutna Kis age wawagana bilia ec qee doginafo?

2 Timoti 1:14

Mele je eu ceteh me bahic Anut hina ebenna men eu hina Kis Gun, ege dunuhna bilina, uqana gagadic odocna eu cofdu cuhadogale.

1 Jon 2:6

Oso uqa madena, “Ija Kraisca gabandoc biluwuna,” ena eu Krais cobonwe odi coboiale.

1 Korin 6:19

Age dewenega eu Kis Gunna cuha jo gun ec age qee doginafo? Anut uqa age wele Kis Gun aden eu uqa age dunuh bilia. Ge, Anut uqa age ameg benna bahic fajadi ceden. Age dewenega eu agena bahic qee. Eunu age dewenegana Anut binan suleigale.

1 Jon 4:7

O ijana danah bahic, nalug mec eu Anutnadec, eunu ege nalug mecebmeceboqale. Odocob oso uqa nalunuga mena eu uqa Anutna mel ibuldon, eu uqa Anutnu du cuhadona.

Me Je i Jon Jaqen 17:21

Mei, hina ija dunuhna biligina, ija hina dunuhna biliginawe eu odi age ele dunuhna bilimeig age cunug wawaga osol migiannu inonhigina. Eunu age odi wawaga osol mi bilecnana mahanadec eundec age hina ija sultem eunu wawaga meleigian.

1 Jon 3:22

Ege Anutna je gagadic eu toodu odoqona, odimeb ege uqa cetehnu gale dona eu odoqona. Eunu ege cel ceteh osonu sisildocomun uqa igeceb oqona.

2 Korin 6:16

Anutna tempelca kadan tibudna bahimca eu adi gabandosina? Ge, Anut cebac bilina uqana tempel eu ege! Anut uqa odi madena: “Ija age gemo bilimig cobigen. Ija agena Anut biligen. Odocob age ijana dana cajaca biluqagan,” ena. (Wok Pris 26.12; Jeremaia 32.38; Esekiel 37.27)

Me Je i Jon Jaqen 10:38

Euqa ija cabi oc eu odiginafi, age ijanu wawaga qee meleenaqa, age ijana cabi oc eunu wawaga meleeiale. Eunu Memige Anut ija dunuhna bilina, ija Memige Anut dunuhna biligina ec du cuhadoigale,” aden.

Me Je i Jon Jaqen 14:17

Eu mele jenu Kis. Mahanadec age uqa qee fifi dudu egina. Eunu age uqa ocnu qee nijel. Euqa uqa ageca bilina, uqa age dunuhna biligian. Eunu age uqanu dogina,” aden.

1 Tesalonika 4:8

Eunu oso je eu cewudina eu uqa danana je qee cewudina eu uqa Anutna je cewudina. Anut eu uqa uqana Kis Gun age adena ec cisdoiga.

1 Jon 2:3

Ege Kraisna je gagadic eu toodu odifeb ege Kraisnu du cuhadoqona eu mele.

1 Jon 2:5

Euqa oso uqa Kraisna je toodu odona eu uqana Anutnu nalug mec ihoc len eu mele. Ege jic euna ege Anutca gabandoc biluquna eu mele ec doqona.

1 Jon 2:24

Age hahawan je doin eu gagadic hewecebil wawagana biliale. Age je eu wawagana bilecebfi Melah Memigeca ale ageca gabandu biluqagan.