1 Jon 3:1 - Bal cehec je haun

¹ Feiga, Memige uqa ege Anutna mel ec madigiannu uqa egenu nalunige geh bahic mena. Odocob eu mele bahic, ege Anutna mel. Dana cajaca mahana bilegina eu age Anutnu qee dogina. Eunu age egenuha qee dogina.

1 Jon 3:1 Referans Kwoze

Me Je i Jon Jaqen 1:12

Euqa leih age uqa oidein age uqa ijannu wawaga meleen. Eunu uqa Anutna mel ibuldocnu gagadic odoc aden.

Galesia 3:26

Age Galesia cunug wawaga meleecebnu age Jisas Kraisca gabanadimeig Anut melahul ibuldoin bilegina.

2 Korin 6:18

Ija memega biligen. Odocob age ija melamiel atielca biluqagan,” uqa odi madena. (2 Samjuel 7.14)

Me Je i Jon Jaqen 17:25

O Mei, hina ititom bahic! Hinana gug bahicnu mahanadec age qee dogina. Ijaqa hinanu dugina. Ene tawegina ageha hina sultem eu age dogina.

Jahunec Je Camasac Muden 21:7

Oso uqa gagadic mimi han wooldona eu ceteteh cunug eu ijanadec muguh ugian. Ija uqana Anut biligen, uqa ija melami biligian,” en.

Pol Uqa Jaqec Je Oso Rom Tamanec Jaqiaden 5:8

Euqa ege silail dana bibiluqun Krais cesulgigiannu cal men. Odoc euna Anut ege nalunige mena eu ihacgena.

Galesia 3:29

Age Kraisca gabanadec bilegina eunu age Ebrahamna sihul, odocob age mugumige migecnu Anut uqa Ebraham je hahun madon eu oqagan.

Pol Uqa Jaqec Je Oso Rom Tamanec Jaqiaden 8:32

Uqa uqagul Melah qee sosogon ol euqa ege cunug cesulgigiannu suldocob nen. Uqa Melah wele igen eunu uqa ceteh cunugha qee igiaunfo?

Me Je i Jon Jaqen 16:3

Age Memige Anutnu wawaga qee fogo dol, ijanu ha age wawaga qee fogo dol eunu odi odadoqagan.

Kolosi 3:3

Ge, age cal mein, odocob agena cebac bilec eu Kraisca gami Anut dunuhna jahunec nijia.

Me Je i Jon Jaqen 11:52

Uqa Juda dana cajaca dih hehuladi qee cal meiaunqa Anutna talacul age mahamaha bilisadoc bilegina eu tamanadigiannu euha maden.

Me Je i Jon Jaqen 15:21

Age uqa ija sulten eu qee dogina. Eunu age eu cunug age ija ijaninu odadoqagan,” aden.

1 Jon 3:2

O ijana danah bahic, ege qila Anutna mel. Qila ege adi bileqannu eu camasac qee mena qa uqa camasac meceb ege uqa cinigwe bileqan ec doqona. Ge, ege uqa bahic bilina eu feqan.

1 Jon 3:10

Jic euna ege dana in age Anutna mel, odocob in age Setenna mel eu fecnu ihoc. Oso uqa kobol tutuc qee odona eu uqa Anutnadec qee. Odocob oso uqa cotignu qee nalug mena euha uqa Anutnadec qee.

1 Jon 4:17

Ege maha ina Kraisca biluquna eu odiwe Krais uqa Memeg Anutca bilesina. Eunu ege gesilgec deelna Anut amegna tawecnu qee cucuieqannu Anutca gabandu biluquna. Odocob ege odi bilocomunfi egena nalunuga mec kobol eu ihoc ligian.