SOFONÍAS 3:16 - Wuj Pa K'ubultzij

¹⁶ Che taq i ij le kb'ix ni che i Jerusalén: “¡Maxij awib' tinimit Sion, xaq maya chke a'ab' chi kk'is kicho'ab'!”

SOFONÍAS 3:16 Referans Kwoze

Hebreos 12:12

Rumali, chikowij ik'ux. Chiya icho'ab' che i'ab' chi kosnaq, xaq che iwaqan chi nti chik ucho'ab' kb'inik.

Gálatas 6:9

Mb'a'krij qak'ux chu'ankil ni'pa i utz, man we kb'a'krij ti qak'ux chu'ankil i utz, kuriq ni ij uri ktzalijsax ni uwach chqe.

Apocalipsis 2:3

Yix, nim ik'ux; ich'ijom uyej xa wumal yin, xaq lik ix chakunnaq wumal, xaq lik ix kosnaq ti chu'anik.

Efesios 3:13

Rumal ronojel ile, lik kinb'ij chiwe, misach ukowil ik'ux. Misacho tupu in o pa k'ax xa rumal xixinto yix; are i kmajawik, chixkikot che chi o i'ij chinwach (rumal wach in-anom chiwe).

ISAÍAS 44:2

Yin in Ajwal chi at in-anom, chi xatinyijb'a chuxe'el awalaxik chi xaq katinto. Maxij awib', Jesurún, chi at utinimit ma Jacob, chi at wajpatan chi at in-ulum.

ISAÍAS 41:10

Maxij awib', man Yin in o awu', matok il man Yin in a-Dios. Yin kinya acho'ab', Yin katinto, Yin katwok'aj ru' in-ab' o ucho'ab' kinya ti chawe kattzaqik.

ISAÍAS 40:9

Tinimit Sion, chatel b'i puwi jun nim laj jyub', lik ru' ronojel acho'ab' ko chatsik'in chutzijoxik i utz laj tzij. Lik maxij awib' ko chatsik'inoq, tinimit Jerusalén, xaq chatzijoj pa taq tinimit Judá: “¡Riy i-Dios yix oliki!”

Juan 12:12

Lik je k'i i winaq xeupon pa Jerusalén rumal i nima'ij Pascua. Chukab' ij i winaq xkita utzijol chi i Jesús kupon chila che i tinimit Jerusalén.

ZACARÍAS 8:15

Xwiri wo'or, inch'ob'om u'anik i utz che i tinimit Jerusalén xaq che i tinimit Judá. Rumali mixij iwib'.

ISAÍAS 54:4

Maxij awib' man ktze'ex ti apalaj, katyo'yax taj xaq lik nti o katk'ix taq che. Ksach ni ak'ix chak'ux re awak'alil, xaq kk'un ti chik chak'ux ni'pa uqajsaxik a'ij x-anik are xatmalkanij kanoq.

Job 4:3

Yet chi lik kaya te'eq k'utunik chke k'iyal winaq, xaq kaya ukowil kik'ux ni'pa keb'isonik;

2 Corintios 4:1

Yoj kqasach ti ukowil qak'ux man are i Dios chi rumal i rutzil uk'ux, oj utaqom chub'ixkil i k'ak' tziji.

ISAÍAS 25:9

Che taq i ij le kb'ix na: “Iri are qa-Dios, che ire kqaya wi qak'ux xaq ire xojuto. Chojkikotoq, chojqusinoq man ire xojuto.”

Joel 2:21

Lik chatkikotoq, ulew, lik maxij awib', man i Ajwal ku'an nimaq taq b'iroxik.

ZACARÍAS 8:13

Keje pacha yix, chi ix aj Judá, xaq ix aj Israel, lik ix k'oqtal chkixol i jub'an chik nimaq taq tinimit, xwiri Yin wo'or kixinto na, i kin-an ni chiwe chi ix are jun utzil chomal. ¡Mixij iwib'! ¡Chikowij ik'ux!”