SOFONÍAS 2:13 - Wuj Pa K'ubultzij

¹³ Ire kurip b'i u'ab' chkij i je o pa moxab' sachb'al uwach i tinimit Asiria xaq ku'an ni che i tinimit Nínive chi lik nti chik winaq chupam, lik ku'an ni jun tz'inilik jyub' chaqij che.

SOFONÍAS 2:13 Referans Kwoze

NAHUM 3:7

Konojel ni'pa i katkilo ke'anmaj ni chawach, kkib'ij na: ¡I tinimit Nínive lik sachnaq chik uwach! ¿Pachin nawi kril tob'al uwach? ¿Ipa nawi keinriq wi kkub'saw ak'ux?

NAHUM 1:1

I wuj re i ma profeta Nahum aj Elcos chi xril puwach. Iri lik are i tzijonik re i Ajwal chrij i tinimit Nínive.

ISAÍAS 10:16

Rumali i Ajwal chi ronojel ktiki che, kresaj kicho'ab' ike chi lik je ch'anch'aq, ku'an ni chke chi kjuluw kich'akul rumal i a' tew chkij.

ISAÍAS 10:12

I Ajwal are u'anom chik ile ronojel ni'pa kraj u'anik chwi jyub' Sion xaq pa tinimit Jerusalén, kuya ni utojb'alil che i ajawinel re i tinimit Asiria, rumal i wach xu'ano re kojb'al taq u'ij xaq re anb'al taq nim che rib' chi kraj taq ire lik katxuki ni chwach.

NAHUM 3:15

Ni'pa taq i a', i ch'ich' chi k'ulala o uware xaq i sak', lik kkisach ni awach. ¡Chatk'iyaroq pacha kik'iyal i nimaq taq sak'! ¡Chatk'iyaroq pacha kik'iyal i ral taq sak'!

Miqueas 5:6

Ike kerajawin ni pa Asiria, i tinimit re i Nimrod, lik ru' i ch'ich' chi k'ulala o uware, kojkito ni chkiwach i aj Asiria chi xkimin kib' pqatinimit chi xaq xkimaj i qulew.

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

ISAÍAS 10:5

I ajawinel re i tinimit Asiria are i che' chi kinkoj Yin re yab'al utojb'alil rumal woywal, are i ch'amiy chi kinkojo are kmi' woywal.

ISAÍAS 14:26

Are inch'ob'om u'anik iri chwach ronojel ulew. In-ab' kuch'ach'a kikamsaxik konojel i nimaq taq tinimit.”

ISAÍAS 37:37

Are uri ma Senaquerib, chi ajawinel re i tinimit Asiria, xtzalij chub'i pa tinimit Nínive, chila xkanaj wi.

JEREMÍAS 49:33

I tinimit Hazor k-on ni ronojel ij saq pacha jun tz'inilik jyub', xaq kik'ijib'al i tz'i aj pa taq es. Lik mijun kjeqi chik chila, lik keik'aw ti ne chik che i k'ijib'al le.”

JONÁS 1:2

“Jat, jat chila che i nim laj tinimit Nínive i chatzijoj chke chi kinsachsaj kiwach, man k'a wu' Yin k'unnaq wi utzijol re i kimak atzalal.”

JONÁS 3:2

Jat, jat che i nim laj tinimit Nínive i chatzijoj chke wach i kinb'ij chawe.

SOFONÍAS 1:4

“Kinrip nu b'i in-ab' chrij i tinimit Judá xaq chkij konojel i je jeqel pa tinimit Jerusalén. Kinchup nu b'i uwach che i k'ijib'ali ronojel ni'pa kkuxtaw ub'i i saqil ti laj dios Baal, xaq keje ile kin-an chke i kib'i i je ajsujul sipon.