SOFONÍAS 2:12 - Wuj Pa K'ubultzij

¹² ¡Xaq yix ix aj Etiopía, kixtzaq ni rumal i soktajik re uch'ich' i Ajwal chi k'ulala o uware!

SOFONÍAS 2:12 Referans Kwoze

ISAÍAS 43:3

Man Yin in are Awajwal chi katuto, in Lo'laj Dios ke aj Israel. Yin at inkirom, intojom rajil awelik pa kamik pu'ab' Egipto, Etiopía xaq i Sabá.

ISAÍAS 13:5

Kipetik che jun tinimit naj, lik k'a jela xetaq kaj ulew. Are i Ajwal ru' uchapb'al re i roywal kk'un chusachik uwach ronojel uwach ulew.

ISAÍAS 10:5

I ajawinel re i tinimit Asiria are i che' chi kinkoj Yin re yab'al utojb'alil rumal woywal, are i ch'amiy chi kinkojo are kmi' woywal.

Salmos 17:13

Chatwalijoq, Ajwal, ¡Cha'ana ch'oj chqij! ¡Cha'ana chke chi kexuki chawach! Ru' ach'ich' chi o uware k'ulala, chinawesaj pki'ab' i itzel laj taq winaq le;

Ezequiel 30:24

Lik kinya ni ucho'ab' uteleb' i ajawinel re Babilonia, xaq kinya ni inch'ich' pu'ab' chi k'ulala o uware. Kinpatz' ni uteleb' ma faraón, ire kjilaw na are kuna'o chi soktajnaq chik chkiwach i je ajch'oj chrij.

ISAÍAS 20:3

Are uri xub'ij i Ajwal: “I wajpatan ma Isaías lik arewi nti uxajab' ukojom xaq laj ch'analik che ronojel oxib' junab' chi ik'awnaq, chi are pacha jun ilb'al re xaq tzijonb'al che i tinimit Egipto xaq che i tinimit Etiopía.