SOFONÍAS 1:9 - Wuj Pa K'ubultzij

⁹ Xaq ke'inya ni pa tojpen che i ij le ni'pa ike chi ke'ik'aw puwi taq uchija, xaq ni'pa ike chi kki'an ch'oj xaq i t'oronik chi kachoch i kajaw.”

SOFONÍAS 1:9 Referans Kwoze

1 Samuel 5:5

Rumali k'a are o wi wo'or, chi are ke'ok b'i ajsujul sipon re i tiox Dagón chila che i tinimit Asdod, kkitak'alb'ej ti che' re uxe' uchija.

AMÓS 3:10

I Ajwal kub'ij: “Ike keta'am ti kki'an i suk'ulik; xa kkik'ol pa nimaq taq ja ke ajawinelab' ni'pa i kkel-aj pa taq ch'oj.”

Hechos 16:19

Xwiri i kajaw i ali le, are xkilo chi kkich'ak ti chik i pwaq chrij, xekichap ma Pablo xaq i ma Silas, xekik'am b'i chkiwach i atol tzij chila che nab'e tan uwaja re i tinimit.

Proverbios 29:12

I aj-ok'al utzam i jalajuj taq tinimit we kuya uxikin che i t'oronik taq tzij, konojel uri utaqon keu'on utz ti laj taq winaq.

NEHEMÍAS 5:15

Xwiri, i jub'an chik aj-ok'al utzam i jalajuj taq tinimit chi xek'iji nab'e chinwach yin, ike xkiya jun nim laj eqan pkiwi i tinimit, man ij ij kkitz'onoj kawinaq (40) pwaq saq-o'oj re kiwa xaq re uwa'al ki-uva muqb'am. Xwi ta la ile, xaq i kajchak utz ti kilik i winaq xki'ano. Xwiri yin, xin-an ti keje ile rumal kojb'al u'ij i Dios.

Jueces 19:27

Are xwalij i rachijil xaq xujaq uchija man kumaj chub'i ub'e, are uri xrilo chi jupul b'i qas ti mer rixoqil xolchija, uk'aqom u'ab' puwi i che' re uchija.

JEREMÍAS 5:27

Kkinojsaj i kachoch che i b'iroxik chi kel-am, pacha kinojsaxik i tz'ikin chupam i k'olb'al ke. Keje kib'eyomarik ile xaq uriqik ki'ij.

Miqueas 6:12

I b'eyomab' re i nim laj tinimiti konojel je aj-anol k'ax; je ajnuk'ul tzij xaq je ajt'oronel konojel ni'pa uwinaq.

ZACARÍAS 5:6

Xintz'onoj che: “¿Wach ile?” Ire xula' uwach chwe: “Are jun pajb'al. Ile are i pajb'al re mak atzalal ke i je jeqel pa tinimit.”