SOFONÍAS 1:4 - Wuj Pa K'ubultzij

⁴ “Kinrip nu b'i in-ab' chrij i tinimit Judá xaq chkij konojel i je jeqel pa tinimit Jerusalén. Kinchup nu b'i uwach che i k'ijib'ali ronojel ni'pa kkuxtaw ub'i i saqil ti laj dios Baal, xaq keje ile kin-an chke i kib'i i je ajsujul sipon.

SOFONÍAS 1:4 Referans Kwoze

Oseas 10:5

I winaq re i tinimit Samaria keb'arb'atik; ke'o' che usachik uwach i uk'exwach i me' re i Bet-avén. Rumal ire ketz'uyin i tinimit xaq i ajsujul sipon, man i uchomalil lik sachnaq.

Miqueas 5:13

kinsachsaj ni kiwach ni'pa taq atiox chi xaril je antalik xaq ab'aj chi lik o ki'ij, man keje ile lik arewi kakoj ti chik ki'ij atiox chi xa yet at anawnaq.

JEREMÍAS 6:12

I kachoch, kulew, xaq i kixoqil ke'ax ni pki'ab' jub'an chik. Man kinyak ni in-ab' chuya'ik i tojb'alil pkiwi konojel i je jeqel pa tinimit le. Yin in Ajwal, xinb'iw ile.

SEGUNDO LIBRO DE CR%D3NICAS 34:4

lik chwach ire xewulijsax i jalajuj taq sujb'al sipon re i jalajuj taq tiox Baal. Xwi ta la ile, xaq xutaq uwulsaxik i porb'al pom chi je o te'eq pkiwi i sujb'al sipon le. Xaq xutaq u'anik ch'aqa taq chke i jalajuj taq tiox chi uk'exwach ati Asera, xaq keje ile xu'an chke i jub'an chik tiox ch'ich'; lik xu'an k'ajil chke, te'uri xutix pkiwi i jub'an jul ke i kamnaq chi kisujum te'eq porom sipon chke.

2 Reyes 21:13

Kinpaj ni i tinimit Jerusalén ru' i pajb'al chi xinkoj che i tinimit Samaria xaq pacha xin-an chke umuq uxikin ma Acab. Kin-an ni che pacha uch'ajik jun laq are lik ch'am chik te'uri kjupb'axik.

ÉXODO 15:12

Xach'ob' uk'utik acho'ab' rumali xa'an chke aj Egipto chi xeb'i' b'i rumal ulew.

JEREMÍAS 15:6

Yet xinawo'taj kanoq, xaya kan uchel awij chwe. Yin in Ajwal, xinb'iw ile. Rumali Yin, lik in kosnaq chik che unimal ink'ux, xinyak in-ab' chuya'ik utojb'alil pawi, lik xinsach awach.

Ezequiel 6:14

Kinyak ni in-ab' pkiwi re uya'ik utojb'alil kimak, pa wiqab' tz'inilik jyub' chaqij k'a pa jyub' Diblat pa moxab', kin-an ni che utinimit xaq ni'pa taq kk'ijib'al jun tz'inilik jyub' chaqij chi lik xib'in ib'. Are uri kketamaj na chi Yin in Ajwal.”

Ezequiel 25:7

Rumali kinyak in-ab' chiwij re yab'al utojb'alil imak xaq kixinjach chke i nimaq taq tinimit, keje ile kkimaj chiwe ni'pa taq o iwu'. Lik kixwesaj na li pa taq tinimit, kinsachsaj iwach pa nimaq taq tinimit, lik kinsachsaj iwach iwonojel. Keje ile kiwetamaj na chi Yin in Ajwal.

SOFONÍAS 2:11

I Ajwal lik kuk'ut ni roywal chke. Kusachsaj ni kiwach konojel i dios pa tinimit, lik are Ire koksax ni u'ij che ronojel taq k'ijib'al, xaq kumal ni tinimit chi je o chuchi' taq mar.

SOFONÍAS 2:13

Ire kurip b'i u'ab' chkij i je o pa moxab' sachb'al uwach i tinimit Asiria xaq ku'an ni che i tinimit Nínive chi lik nti chik winaq chupam, lik ku'an ni jun tz'inilik jyub' chaqij che.

2 Reyes 23:12

Xwi ta la ile, xaq xuwulijsaj i sujb'al sipon chi ki'anom i ajawinelab' aj Judá puwi i ja ipa o wi ma Acaz, xaq i sujb'al taq sipon chi u'anom ma Manasés chwa taq ja che i rachoch i Ajwal. Ma Josías xu'an ch'aqa taq che, xaq xeuk'aqa chi raqana Cedrón.