SOFONÍAS 1:16 - Wuj Pa K'ubultzij

¹⁶ Lik are ni jun ij re kich'awb'al i trompeta xaq sik'inik chkij i nimaq taq tinimit chi lik sutim kij, xaq i nimaq taq ja tak'taq.

SOFONÍAS 1:16 Referans Kwoze

AMÓS 3:6

we i trompeta kch'aw pa tinimit, i winaq ke'ok uri chk'achirik; we o jun utz taj kk'ulmax pa tinimit, alaj uri chi are i Ajwal utaqom loq.

Oseas 8:1

Chach'awsaj i a-trompeta, pacha i ajchajinel chi kk'ak'alin puwi utinimit i Ajwal. Man je kojonnaq ti che intrat xaq kiqelom ink'utunik.

ISAÍAS 32:14

I nim laj rachoch i ajawinel ko'tax ni kanoq; i tinimit chi lik nim kek'is b'i uwinaq, kkanaj na pacha jun tz'inilik jyub' chaqij; i ukowib'al i tinimit ko'tax ni kanoq ronojel ij saq, chila na kejeqi wi i axna aj pa taq es xaq lik kekikotik, chila na kewa wi i jalajuj taq chikop.

Habacuc 3:6

I jyub' ta'aj ksiksatik are ktak'i Ire; i tinimit lik ke'ok il che are kkilo; i nimaq taq jyub' chi lik ax je o wi kewulij loq xaq i ujer utzam taq jyub' kejarik; xwiri ub'e i Dios lik re ronojel ij saq.

Oseas 5:8

¡Chixut'ij i rok'a' i chikop re i ch'oj pa Gabaa xaq i trompeta pa Ramá! ¡Chiya utzijol pa tinimit Bet-avén! ¡Chitika i xib'in ib' pa Benjamín!

JEREMÍAS 8:16

¡Ya kk'un ajch'oj chqij! ¡Ya ktataj chik i kuxlab' i kaway pkitzam k'a chila pa Dan! Are kyirir i kaway kyikyat ronojel ulew. Xek'un chusachik uwach i tinimit xaq ronojel ni'pa o chupam, konojel i nimaq taq tinimit xaq konojel ni'pa je jeqel chwach.”

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

ISAÍAS 59:10

Lik kojmalal chwach taq xan pacha taq oj mawach, pacha taq nti qab'a'wach; lik tik'il ij kqatakij qaqan pacha taq cha'ab', lik o rutzil qawach xwiri pacha taq oj kamnaq.

Deuteronomio 28:52

Ronojel atinimit ksutix ni rij k'a kwulijsax na li tapial chi lik naj rij xaq lik nim uwach, chi xaq akub'am te'eq ak'ux che, qatzij, ksutix ni rij atinimit xaq k-ani ni ch'oj chawij chila chwach ulew chi kuya i Ajwal chawe.

ISAÍAS 27:13

Che taq i ij le kxut'ix ni i nim laj trompeta, xaq ni'pa je sachnaq pa Asiria xaq keje ni'pa je elsam chwach kulew Egipto, kepe ni chukojik u'ij i Ajwal pa Jerusalén, che i ch'am laj jyub'.

Joel 2:1

Chixut'ij i trompeta tzam taq jyub' Sion; chixut'ij k'utb'al re pa ch'am laj jyub' re i Ajwal. Chixsiksat iwonojel yix chi ix jeqel pa tinimit Judá, man ya naqaj chik o wi u'ij i Ajwal:

JOSUÉ 6:20

Are uri i je ajsujul sipon ko xkixut'ij i rok'a' chij chi antal trompet che, are xkita i aj Israel xaq ike ko xesik'inik pacha b'ital chke rumal ma Josué, are uri xwulij li tapial nim uwach re itinimit. I aj Israel juntir xe'ok b'i pa tinimit i xki'an ke che.

Ezequiel 7:7

Chita yix winaq re i nim laj tinimit, ya xk'un i sachanel wachij. Lik ya xuriq i ij; ya kk'un i ij chi xwi i sachanik olik. Lik ya kk'is i kikotemal chwi taq jyub'.